ബാങ്കുകളുടെ സമ്മര്ദത്തെ തുടര്ന്ന് ചെറുകിട നിക്ഷേപ പദ്ധതികളുടെ പലിശ കുറച്ചേക്കും
പബ്ലിക് പ്രൊവിഡന്റ് ഫണ്ട്, ദേശീയ സമ്പാദ്യ പദ്ധതി, സുകന്യ സമൃദ്ധി യോജന എന്നിവ ഉള്പ്പടെയുള്ള ചെറുകിട നിക്ഷേപ പദ്ധതികളുടെ പലിശനിരക്കുകള് ഉടനെ കുറച്ചേക്കും. ബാങ്കുകളുടെ ഭാഗത്തുനിന്നുള്ള സമ്മര്ദത്തെതുടര്ന്നാണിത്.
വ്യാപകമായി പ്രതിഷേധമുയരാന് സാധ്യതയുള്ളതിനാല് കൂടുതല് ചര്ച്ചകള്ക്കുശേഷമാകും തീരുമാനമുണ്ടാകുക. ആഗസ്ത് മാസം അവസാനത്തോടെ ഇത് സംബന്ധിച്ച് തീരുമാനമുണ്ടാകുമെന്നാണ് സൂചന.
നിലവില് ചെറുകിട സമ്പാദ്യ പദ്ധതികളുടെ പലിശ നിരക്കുകളേക്കാള് താഴെയാണ് ബാങ്ക് നിക്ഷേപത്തിന് നല്കുന്ന പലിശ. സര്ക്കാര് പുറപ്പെടുവിക്കുന്ന കടപ്പത്രങ്ങളുടെ പലിശ നിരക്കിനേക്കാള് നിശ്ചിത ശതമാനം കൂടുതലായാണ് വര്ഷംതോറും ചെറുകിട നിക്ഷേപ പദ്ധതികളുടെ പലിശ നിരക്കുകള് പരിഷ്കരിക്കുന്നത്.
പരമാവധി 9.3 ശതമാനം പലിശവരെ സര്ക്കാര് ഈ പദ്ധതികള്ക്ക് നല്കുമ്പോള് ബാങ്ക് നിക്ഷേപങ്ങളുടെ പലിശ നിരക്ക് 7.5 ശതമാനം മുതല് എട്ട് ശതമാനം വരെയാണ്. വായ്പ പലിശ നിരക്കുകള് കുറയ്ക്കാന് ബാങ്കുകള്ക്കുമേല് സമ്മര്ദമുണ്ടാകുമ്പോള് നിക്ഷേപങ്ങള്ക്കുള്ള പലിശയിലും കുറവ് വരുത്താന് ബാങ്കുകള് നിര്ബന്ധിതമാകും. ഉയര്ന്ന പലിശ നിരക്കുകളുള്ള ചെറുകിട നിക്ഷേപ പദ്ധതികളിലേയ്ക്ക് നിക്ഷേപകര് കൂട്ടത്തോടെ പോകുന്നത് ബാങ്ക് നിക്ഷേപത്തില് വന് ഇടിവുണ്ടാക്കുമെന്നതാണ് ബാങ്കുകളെ സമ്മര്ദ്ദമുണ്ടാക്കാന് പ്രേരിപ്പിക്കുന്നത്.
സുകന്യ സമൃദ്ധി പദ്ധതി, സീനിയര് സിറ്റിസണ്സ് സേവിങ് സ്കീം എന്നിവയ്ക്ക് ഉയര്ന്ന പലിശയാണ് നിലവില് നല്കുന്നതെന്ന് കാണിച്ച് ഇന്ത്യന് ബാങ്ക്സ് അസോസിയേഷന് ധനമന്ത്രാലയത്തെ സമീപിച്ചിരുന്നു. ചെറുകിട നിക്ഷേപ പദ്ധതികളിലൂടെ 201516 സാമ്പത്തിക വര്ഷത്തില് 22,408 കോടി രൂപ സമാഹരിക്കാനാണ് സര്ക്കാര് ലക്ഷ്യമിട്ടിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
