സംസ്ഥാനത്തെ ആദ്യത്തെ കേരളശ്രീ അഗ്രോ ഹൈപ്പര്‍ ബസാര്‍ മുഖ്യമന്ത്രി നാടിന് സമര്‍പ്പിച്ചു
കൃഷിയിടത്തിലേക്ക് ആവശ്യമുള്ള ഉപകരണങ്ങളും യന്ത്രസാമഗ്രികളും കാര്‍ഷിക വിഭവങ്ങള്‍ കൊണ്ടുള്ള മൂല്യവര്‍ധിത ഉല്‍പ്പന്നങ്ങളും ഒരു കുടക്കീഴില്‍ ലഭ്യമാക്കുന്ന സംസ്ഥാനത്തെ ആദ്യത്തെ കേരളശ്രീ അഗ്രോ ഹൈപ്പര്‍ ബസാര്‍ തൃശൂരില്‍ തുറന്നു. ചെമ്പൂക്കാവിലെ അഗ്രികള്‍ച്ചര്‍ കോംപ്‌ളക്്‌സില്‍ നടന്ന ചടങ്ങില്‍ മുഖ്യമന്ത്രി പിണറായി വിജയന്‍ അഗ്രോഹൈപ്പര്‍ ബസാറിന്റെ ഉദ്ഘാടനം നിര്‍വഹിച്ചു.
കൃഷിവകുപ്പിന്റെ ആഭിമുഖ്യത്തില്‍ കേരള അഗ്രോ ഇന്‍ഡസ്ട്രീസ് കോര്‍പറേഷന്‍ ഒരുക്കിയ ഹൈപ്പര്‍ ബസാറിന്റെ രണ്ടു നിലകളില്‍ കാര്‍ഷികോല്‍പ്പന്ന വിഭവങ്ങളുടെ സമൃദ്ധമായ ശേഖരമുണ്ട്. കൂടാതെ കര്‍ഷകര്‍ക്ക് കൃഷിയിടത്തിലേക്ക് ആവശ്യമുള്ള എല്ലാ പണിസാമഗ്രികളും യന്ത്രങ്ങളും കുറഞ്ഞ നിരക്കില്‍ ലഭിക്കും.
സംസ്ഥാന സര്‍ക്കാര്‍ ഉടമസ്ഥതയിലുള്ള സ്ഥാപനങ്ങളില്‍ നിന്നുള്ള ഉല്‍പ്പന്നം കൂടാതെ തമിഴ്‌നാട്, ഹിമാചല്‍പ്രദേശ്, കശ്മീര്‍ സംസ്ഥാനങ്ങളില്‍ നിന്നുള്ള സുഗന്ധദ്രവ്യങ്ങള്‍ അടക്കമുള്ള പ്രത്യേക വിഭവങ്ങളും ലഭിക്കും.
https://www.facebook.com/Malayalivartha
