കേരള ട്രാവല് മാര്ട്ട് 18 മുതല് 20 വരെ കൊച്ചിയില്
കേരള ട്രാവല് മാര്ട്ട് 2014 (കെടിഎം) സപ്തംബര് 18 മുതല് 20 വരെ കൊച്ചി വില്ലിംഗ്ടണ് ഐലന്ഡിലെ സാമുദ്രിക കണ്വെന്ഷന് സെന്ററില് നടക്കും. 17 ന് വൈകീട്ട് 7 ന് ലെ മെറിഡിയന് കണ്വെന്ഷന് സെന്ററില് മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. കേന്ദ്ര ടൂറിസം മന്ത്രി ശ്രീപദ് യശോ നായിക് മുഖ്യാതിഥിയാകും. മന്ത്രി എ.പി. അനില്കുമാര് അധ്യക്ഷത വഹിക്കും.
കേരളത്തെ വെഡ്ഡിംഗ് ഡസ്റ്റിനേഷനായി മാറ്റിയെടുക്കുക എന്നതാണ് പ്രധാന ലക്ഷ്യമെന്ന് കെടിഎം പ്രസിഡന്റ് എബ്രഹാം ജോര്ജ് പറഞ്ഞു. 282 അന്താരാഷ്ട്ര ബയര്മാരും 938 തദ്ദേശീയ ബയര്മാരും പങ്കെടുക്കുന്നുണ്ട്. ബയര്-സെല്ലര് കൂടിക്കാഴ്ചയ്ക്കായി പ്രത്യേക സോഫ്റ്റ്വെയര് ഉപയോഗിക്കും. ഇതിലൂടെ ഓണ്ലൈനായി കൂടിക്കാഴ്ച ബുക്ക് ചെയ്യാം. സോഫ്റ്റ്വെയറിന്റെ സഹായത്തോടെയായിരിക്കും സമയം നിശ്ചയിക്കുക.പോര്ട്ട് ട്രസ്റ്റിന്റെ സഹകരണത്തോടെയാണ് പരിപാടി സംഘടിപ്പിക്കുന്നത്. കെടിഎം കേരളത്തിന്റെ ടൂറിസത്തിന് ഏറെ ഗുണം ചെയ്യുമെന്ന് പോര്ട്ട് ട്രസ്റ്റ് ചെയര്മാന് പോള് ആന്റണി പറഞ്ഞു.
അര്ജന്റീന, ഓസ്ട്രേലിയ, സ്കാന്റിനേവിയ, ബ്രസീല് എന്നിവയാണ് കെടിഎമ്മില് ഇത്തവണ പുതുതായി പങ്കെടുക്കുന്ന അതിഥികള്. 25 മുതല് 30 വരെയുള്ള സംഘങ്ങളാണ് ഓരോ രാജ്യത്തു നിന്നും എത്തുന്നത്. കെടിഎമ്മിന്റെ ഭാഗമായി വിവിധ സെമിനാറുകളും സംഘടിപ്പിച്ചിട്ടുണ്ട്.
https://www.facebook.com/Malayalivartha