സ്വര്‍ണ വില ഇന്ന് കുറഞ്ഞു. ഗ്രാമിന് 20 രൂപയും പവന് 160 രൂപയുമാണ് ഇടിഞ്ഞത്. ഗ്രാമിന് 4,775 രൂപയിലും പവന് 38,200 രൂപയിലുമാണ് വ്യാപാരം പുരോഗമിക്കുന്നത്.

വ്യാഴാഴ്ച ആഭ്യന്തര വിപണിയില്‍ പവന് 200 രൂപ ഉയര്‍ന്ന ശേഷമാണ് ഇന്ന് വിലയിടിവ് രേഖപ്പെടുത്തിയത്. ജൂണ്‍ മൂന്നിന് പവന് 38,480 രൂപയില്‍ എത്തിയതാണ് ഒരു മാസത്തിനിടയിലെ ഉയര്‍ന്ന വില.

അതേസമയം രാജ്യാന്തര വിപണിയ്ക്ക് അനുസരിച്ചാണ് കേരളത്തിലെ വെള്ളി വിലയും നിശ്ചയിക്കപ്പെടുന്നത്. ഡോളര്‍-രൂപ വിലയില്‍ വരുന്ന കയറ്റിറക്കങ്ങളും വെള്ളിവിലയെ സ്വാധീനിക്കാറുണ്ട്.

കേരളത്തില്‍ ഒരു ഗ്രാമിന് 68, എട്ട് ഗ്രാമിന് 544 എന്നിങ്ങനെയാണ് ഇന്നത്തെ വെള്ളി നിരക്ക്.