സംസ്ഥാനത്ത് ഇന്ന് സ്വര്‍ണ വിലയില്‍ മാറ്റമില്ല. ഗ്രാമിന് 4,765 രൂപയിലും പവന് 38,120 രൂപയിലുമാണ് വ്യാപാരം പുരോഗമിക്കുന്നത്.


തുടര്‍ച്ചയായി രണ്ടു വ്യാപാര ദിനം വില വര്‍ധിച്ച ശേഷമാണ് ഇന്ന് വില മാറ്റമില്ലാതെ തുടരുന്നത്. രണ്ടു ദിവസത്തിനിടെ പവന് 160 രൂപ വര്‍ധിച്ചിരുന്നു.

രാജ്യാന്തര വിപണിയില്‍ സ്പോട്ട് ഗോള്‍ഡ് ഔണ്‍സിന് 1,824.51 ഡോളര്‍ നിരക്കിലും യുഎസ് സ്വര്‍ണ ഫ്യൂച്ചറുകള്‍ 1,824.50 ഡോളര്‍ നിരക്കിലുമാണ്. അമേരിക്കന്‍ ബോണ്ട് യീല്‍ഡിന്റെ മുന്നേറ്റം സ്വര്‍ണത്തിന് ഇന്നലെയും വീഴ്ച നല്‍കി. 1820 ഡോളറില്‍ സ്വര്‍ണം പിന്തുണ പ്രതീക്ഷിക്കുന്നു.

അതേസമയം ഏറ്റവും സുരക്ഷിതമായ നിക്ഷേപമാര്‍ഗ്ഗങ്ങളില്‍ ഒന്നാണ് സ്വര്‍ണം. കാലം കൂടുന്തോറും മൂല്യം കൂടുമെന്നതിനാല്‍ സ്വര്‍ണത്തില്‍ പണം നിക്ഷേപിക്കാന്‍ ആളുകള്‍ എല്ലാ കാലത്തും താത്പര്യം കാണിക്കുന്നു.