സംസ്ഥാനത്ത് സ്വര്‍ണവിലയില്‍ വര്‍ദ്ധനവ്.... പവന് 320 രൂപ വര്‍ദ്ധിച്ചു. ഗ്രാമിന് 40 രൂപയാണ് വര്‍ധിച്ചത്. ഇതോടെ ഒരു ഗ്രാം സ്വര്‍ണത്തിന്റെ വില 4640 രൂപയായും പവന്റേത് 37120 രൂപയായും വര്‍ധിച്ചു. കഴിഞ്ഞ ദിവസം സ്വര്‍ണവിലയില്‍ കുറവുണ്ടായിരുന്നു.

അതേസമയം, അന്താരാഷ്ട്ര വിപണിയില്‍ സ്വര്‍ണവില ഇടിയുകയാണ്. സ്‌പോട്ട് ഗോള്‍ഡിന്റെ വില 0.2 ശതമാനം കുറഞ്ഞ് 1,714.72 ഡോളറായി. കഴിഞ്ഞ ദിവസം അന്താരാഷ്ട്ര വിപണിയില്‍ ഒരു വര്‍ഷത്തിനിടയിലെ കുറഞ്ഞ നിരക്കിലേക്ക് സ്വര്‍ണവില എത്തിയിരുന്നു.

1,680.25 ഡോളറായാണ് വില കുറഞ്ഞത്. 1.3 ശതമാനം ഇടിവാണ് രേഖപ്പെടുത്തിയത്. യു.എസ് ഗോള്‍ഡ് ഫ്യൂച്ചര്‍ ഉയര്‍ന്നിട്ടുണ്ട്. 0.1 ശതമാനം ഉയര്‍ന്ന് 1,714.90 ഡോളറിലെത്തി. സ്വര്‍ണവില കുറയുകയാണെന്നാണ് സാമ്പത്തിക വിദഗ്ധരുടേയും അഭിപ്രായം. വിവിധ ബാങ്കുകള്‍ വരും ദിവസങ്ങളില്‍ പലിശനിരക്ക് ഉയര്‍ത്തുന്നതും സ്വര്‍ണവിലയെ സ്വാധീനിച്ചേക്കും.