സംസ്ഥാനത്ത് തുടര്ച്ചയായ രണ്ടാം ദിവസവും സ്വര്ണവിലയില് മാറ്റമില്ല....
സംസ്ഥാനത്ത് തുടര്ച്ചയായ രണ്ടാം ദിവസവും സ്വര്ണവിലയില്മാറ്റമില്ല. ശനിയാഴ്ച വന് കുതിപ്പ് രേഖപ്പെടുത്തിയ സ്വര്ണവില ഇന്നലെയും ഇന്നും മാറ്റമില്ലാതെ തുടരുന്നു. ഇന്ന് ഒരു പവന് സ്വര്ണത്തിന് 37,520 രൂപയാണ് വില. ഗ്രാമിന് 4690 രൂപയാണ്.
ശനിയാഴ്ച പവന് 400 രൂപയും ഗ്രാമിന് 50 രൂപയുമാണ് കൂടിയത്. വെള്ളിയാഴ്ചയും സ്വര്ണവില വര്ദ്ധിച്ചിരുന്നു. ഒരു പവന് സ്വര്ണത്തിന് 320 രൂപയാണ് വെള്ളിയാഴ്ച കൂടിയത്.
വെള്ളിയാഴ്ച ഒരു പവന്റെ വില 37,120 രൂപയും ഗ്രാമിന് 4640 രൂപയുമായിരുന്നു. ജുലൈ 21 ന് ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്ണവില. പവന് 36,800 രൂപയും ഗ്രാമിന് 4600 രൂപയുമായിരുന്നു വില.
ഒരു പവന് സ്വര്ണത്തിന് 320 രൂപ കുറഞ്ഞതോടെ സ്വര്ണവില നാല് മാസത്തെ ഏറ്റവും കുറഞ്ഞ നിരക്കിലെത്തിയിരുന്നു. ഈ മാസം അഞ്ചിനായിരുന്നു സ്വര്ണവില ജൂലൈയിലെ ഏറ്റവും ഉയര്ന്ന നിരക്കിലെത്തിയത്. 38,480 രൂപയായിരുന്നു അന്ന് പവന്. ദേശീയതലത്തില് 10 ഗ്രാം 24 കാരറ്റ് സ്വര്ണത്തിന് ഇന്ന് 51,230 രൂപയും 22 കാരറ്റ് 10 ഗ്രാം സ്വര്ണത്തിന് 46,960 രൂപയുമാണ്.
"
https://www.facebook.com/Malayalivartha