സംസ്ഥാനത്ത് തുടര്‍ച്ചയായ മൂന്നാം ദിവസവും സ്വര്‍ണവിലയില്‍ കുറവ്.... പവന് 480 രൂപയുടെ കുറവ്. ഇതോടെ ഒരു പവന്‍ സ്വര്‍ണത്തിന്റെ വില 43,120 ആയി കുറഞ്ഞു.

കഴിഞ്ഞ ദിവസം 43,600 രൂപയായിരുന്നു സ്വര്‍ണത്തിന്റെ വില. ബുധനാഴ്ച 200 രൂപയുടെ കുറവാണ് സ്വര്‍ണവിലയില്‍ ഉണ്ടായത്. ചൊവ്വാഴ്ച 160 രൂപയും കുറഞ്ഞിട്ടുണ്ടായിരുന്നു. 5390 രൂപയാണ് ഒരു ഗ്രാം സ്വര്‍ണത്തിന്റെ വില. എം.സി.എക്‌സ് എക്‌സേഞ്ചില്‍ സ്വര്‍ണത്തിന്റെ ഭാവിവിലകളും ഇടിഞ്ഞു. 93 രൂപ കുറഞ്ഞ് 57,190 രൂപക്കാണ് 10 ഗ്രാം സ്വര്‍ണത്തിന്റെ വ്യാപരം എം.സി.എക്‌സ് എക്‌സ്‌ചേഞ്ചില്‍ പുരോഗമിക്കുന്നത്.

യു.എസ് വായ്പ പലിശനിരക്കുകള്‍ ഉയര്‍ത്തുമെന്ന റിപ്പോര്‍ട്ടുകളും ഡോളര്‍ കരുത്താര്‍ജിക്കുന്നതും സ്വര്‍ണവിലയെ സ്വാധീനിക്കുന്നുണ്ട്.കഴിഞ്ഞ ആറ് മാസത്തിനിടയിലെ ഏറ്റവും കുറഞ്ഞ നിരക്കിലാണ് സ്വര്‍ണത്തിന്റെ വ്യാപാരം അന്താരാഷ്ട്ര വിപണിയില്‍ പുരോഗമിക്കുന്നത്.


അതേസമയം വില കൂടിയാലും കുറഞ്ഞാലും സ്വര്‍ണത്തെ സുരക്ഷിത നിക്ഷേപമായാണ് കേരള ജനത എന്നും കാണുന്നത്. നിക്ഷേപ മൂല്യം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന്‍ ആളുകള്‍ താത്പര്യപ്പെടുന്നു. സ്വര്‍ണത്തിന്റെ രാജ്യാന്തര വില, ഡോളര്‍ രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വില നിര്‍ണയിക്കപ്പെടുന്നത്