കേരളത്തില്‍ സ്വര്‍ണവിലയില്‍ വീണ്ടും ഇടിവ്. പവന് ഇന്ന് 840 രൂപയാണ് കുറഞ്ഞത്. ഇതോടെ വില വീണ്ടും 73,000ത്തിലേക്ക് വീണു. 73,600 ആണ് പവന്റെ ഇന്നത്തെ വില. 74,440 ആയിരുന്നു ഇന്നലത്തെ വില. ഗ്രാമിന് 105 രൂപ കുറഞ്ഞ് വില 9,200 ആയി. പെരുന്നാള്‍ ദിനത്തില്‍ കുത്തനെ ഇടിഞ്ഞ സ്വര്‍ണവില പിന്നീട് തുടര്‍ച്ചയായി വര്‍ദ്ധിക്കുകയായിരുന്നു. 71,000ത്തിലേക്ക് താഴ്ന്ന വില പിന്നീട് 74,000 കടന്നു. മുമ്പ് ഏപ്രില്‍ 22നും പവന്‍ വില 74,000 കടന്നിട്ടുണ്ടായിരുന്നു.

അഞ്ച് ശതമാനം പണിക്കൂലിയും നികുതിയും ഉള്‍പ്പെടെ ഒരുപവന് 78,000ത്തോളം രൂപ നല്‍കേണ്ടി വരും. 24 കാരറ്റിന് പവന് 80,296 രൂപയും ഗ്രാമിന് 10,037 രൂപയുമാണ് വില. 18 കാരറ്റിന് പവന് 60,224 രൂപയും ഗ്രാമിന് 7,528 രൂപയുമാണ് വില. ജനുവരി 22നാണ് സ്വര്‍ണവില ആദ്യമായി 60,000 കടന്നത്. തുടര്‍ന്ന് ഫെബ്രുവരി 11ന് പവന്‍ വില 64,000 കടന്നിരുന്നു. മാര്‍ച്ച് 14ന് 65,000 കടന്ന വില ഏപ്രില്‍ 12നാണ് ആദ്യമായി 70,000 കടന്നത്.