സംസ്ഥാനത്ത് സ്വർണവിലയിൽ വർദ്ധനവ്. ഇന്ന് പവന് 240 രൂപ വർദ്ധിച്ച് 91,960 രൂപയും ഗ്രാമിന് 30 രൂപ കൂടി 11,495 രൂപയുമായി. ഇതുവരെയുളള ഏ​റ്റവും ഉയർന്ന നിരക്കാണ് ഇന്ന് രേഖപ്പെടുത്തിയിരിക്കുന്നത്.

ഇന്നലെ പവന് 91,720 രൂപയും ഗ്രാമിന് 11,465 രൂപയുമായിരുന്നു. കഴിഞ്ഞ മാസം മുതൽ സ്വർണവിലയിൽ വലിയ തരത്തിലുളള വർദ്ധനവാണ് ഉണ്ടായിരിക്കുന്നത്.

ഈ മാസത്തെ ഇതുവരെയുളള ഏ​റ്റവും കുറഞ്ഞ സ്വർണനിരക്ക് രേഖപ്പെടുത്തിയത് ഒക്ടോബർ മൂന്നിനായിരുന്നു. അന്ന് പവന് 86,560 രൂപയും ഗ്രാമിന് 10,820 രൂപയുമായിരുന്നു.‌‌‌ .

രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമൊന്നുമില്ല. ദീപാവലിക്ക് സ്വർണവില ഒരു ലക്ഷം കടന്നേക്കുമെന്നാണ് സാമ്പത്തിക വിദഗ്ദ്ധരുടെ അഭിപ്രായം.