സ്വർണവിലയിൽ ഇന്നും വർധന. പവന് 400 രൂപ വർധിച്ചതോടെ സ്വർണവില പുതിയ ഉയരം കുറിക്കുകയായിരുന്നു. 94,520 രൂപയാണ് ഒരു പവൻ സ്വർണത്തിന്റെ വില. ഗ്രാമിന് 50 രൂപയാണ് വർധിച്ചത്. 11,815 രൂപയാണ് ഒരു ഗ്രാം സ്വർണത്തിന്റെ വില.ഇന്നലെ മൂന്ന് തവണയാണ് സ്വർണവില മാറി മറിഞ്ഞത്.

രാവിലെ റെക്കോർഡ് കുതിപ്പ് നടത്തിയ സ്വർണവില ഉച്ചയോടെ കുറഞ്ഞെങ്കിലും വൈകുന്നേരത്തോടെ വീണ്ടും കുതിക്കുകയായിരുന്നു. എട്ടിനാണ് സ്വർണവില ആദ്യമായി 90,000 കടന്നത്.

തൊട്ടടുത്ത ദിവസം 91,000 കടന്ന് കുതിച്ച സ്വർണവില 95,000ലേക്ക് അടുക്കുകയാണ്. സുരക്ഷിത നിക്ഷേപം എന്ന നിലയിൽ സ്വർണത്തിലേക്ക് കൂടുതൽ ആളുകൾ ഒഴുകിയെത്തുന്നതാണ് സ്വർണവില ഉയരാൻ പ്രധാന കാരണം.