സ്വർണവില ഇന്നുംകുറഞ്ഞു. 48 മണിക്കൂറിനിടെ തുടർച്ചയായി നാലാം തവണയാണ് വില കുറയുന്നത്. ഇന്ന് പവന് 600 രൂപയും ഗ്രാമിന് 75 രൂപയുമാണ് ഇടിഞ്ഞത്. ഇതോടെ ഗ്രാമിന് 11,465 രൂപയും പവന് 91,720 രൂപയുമായി.

18 കാരറ്റിന് ഗ്രാമിന് 60 രൂപ കുറഞ്ഞ് 9430 രൂപയും 14 കാരറ്റിന് 50 കുറഞ്ഞ് 7350 രൂപയും ഒമ്പത് കാരറ്റിന് 30 രൂപ കുറഞ്ഞ് 4750 രൂപയുമായി.
ചൊവ്വാഴ്ച രാവിലെ പവന് 1520 രൂപ കൂടി 97,360 രൂപയിലെത്തിയ സ്വർണം എക്കാലത്തെയും റെക്കോഡ് ഉയരത്തിലായിരുന്നു.

എന്നാൽ, വൈകീട്ട് ചിത്രം മാറി. പവന് 1,600 രൂപയും ഗ്രാമിന് 200 രൂപയും കുറഞ്ഞു. ഇതോടെ പവന് 95,760 രൂപയും ഗ്രാമിന് 11,970 രൂപയുമായി.
ഇന്നലെ രാവിലെയും ഉച്ചക്കുമായി രണ്ടുതവണയാണ് ഇടിവ് രേഖപ്പെടുത്തിയത്. രണ്ട് ദിവസം കൊണ്ട് 5,640 രൂപയാണ് പവന് കുറവുണ്ടായത്.