സ്വർണവിലയിൽ വർദ്ധനവ്. ഇടിഞ്ഞ സ്വർണവില തിരിച്ചു കയറുന്നു. ഇന്ന് ഗ്രാമിന് 35 രൂപയും പവന് 280 രൂപയും വർധിച്ചു. ഇതോടെ ഗ്രാമിന് 11,500 രൂപയും പവന് 92000 രൂപയുമായി. 18 കാരറ്റ് സ്വർണത്തിന് 25 രൂപ കൂടി ഗ്രാമിന് 9505 രൂപയായി.

കഴിഞ്ഞ ദിവസം രണ്ടാഴ്ചക്കിടയിലെ കുറഞ്ഞ നിരക്കിലേക്ക് സ്വർണം വീണിരുന്നു. യു.എസ് ഗോൾഡ് ഫ്യൂച്ചർ നിരക്കിൽ 1.7 ശതമാനം വർധനയുണ്ടായി.

അതേസമയം വെള്ളിയുടെ നിരക്കും ആഗോള വിപണിയിൽ ഉയർന്നു. ചൊവ്വ, ബുധൻ, വ്യാഴം ദിവസങ്ങളിലായി സ്വർണവില നാലുതവണയാണ് കുറഞ്ഞത്. 5,640 രൂപയാണ് പവന് കുറഞ്ഞത്. ഇന്നലെ പവന് 600 രൂപയും ഗ്രാമിന് 75 രൂപയും ഇടിഞ്ഞു. ഗ്രാമിന് 11,465 രൂപയും പവന് 91,720 രൂപയുമായിരുന്നു വില.