കേരളത്തിൽ സ്വർണവിലയിൽ വർധനവ് രേഖപ്പെടുത്തി. പവന് 320 രൂപ വർധിച്ച് 89,400 രൂപയായി. ​ഗ്രാമിന് 40 രൂപ വർധിച്ച് 11,175 രൂപയുമായി. ഒക്ടോബർ മാസത്തിലെ സ്വർണവില നിരക്ക് അനുസരിച്ച് പവൻ വില ഒരു ലക്ഷം കടക്കുമെന്നാണ് കണക്കാക്കിയിരുന്നത്.

എന്നാൽ കഴിഞ്ഞ ഏതാനും ദിവസങ്ങളായി സ്വർണവില 90,000ത്തിനും 89,000ത്തിനും ഇടയിലാണ് നിൽക്കുന്നത്. അന്താരാഷ്ട്ര വിപണി നിരക്കുകൾ, ഇറക്കുമതി തീരുവകൾ, നികുതികൾ, വിനിമയ നിരക്കുകളിലെ ഏറ്റക്കുറച്ചിലുകൾ എന്നിവയാണ് പ്രധാനമായും ഇന്ത്യയിലെ സ്വർണ്ണ വിലയെ സ്വാധീനിക്കുന്നത്.

‌ഒക്ടോബർ 21ന് സ്വർണവില സർവകാല റെക്കോർഡായ 97,360 രൂപയിൽ എത്തിയിട്ടുണ്ടായിരുന്നു. പണിക്കൂലി കൂടി ചേർത്ത് ഒരുലക്ഷം വരെ വില കടക്കുന്ന അവസ്ഥയിൽ വിവാഹ വിപണിയിൽ വളരെയേറെ ആശങ്കയായിരുന്നുഉണ്ടായത്.