സംസ്ഥാനത്ത് സ്വർണവിലയിൽ വൻ വർദ്ധനവ്. പവന് ഒറ്റയടിക്ക് 2440 രൂപയാണ് വർ​ദ്ധിച്ചിട്ടുള്ളത്. 1,13,920 രൂപയാണ് ഇന്നത്തെ പവൻ വില. ഇന്നലെ 1,11,480 രൂപയായിരുന്നു. ഗ്രാമിന് 305 രൂപ വർദ്ധിച്ച് 14,240 രൂപയുമായി. കഴിഞ്ഞയാഴ്ചയിലെ തുടർച്ചയായ വിലയിടിവിനൊടുവിലാണ് ഇപ്പോൾ ഒറ്റയടിക്ക് വില വർദ്ധിച്ചിരിക്കുന്നത്.

ആഗസ്റ്റ് 24ന് പവൻ വില 1,20,240 രൂപയിലെത്തിയിട്ടുണ്ടായിരുന്നു. പിന്നീട് ഇത് ഒരാഴ്ച കൊണ്ട് 9000 രൂപയോളം ഇടിഞ്ഞു.

ആഗോള വിപണിയിലും സ്വർണവില കുതിപ്പിലാണ്. സ്‌പോട്ട് ഗോൾഡ് ട്രോയ് ഔൺസിന് 66 ഡോളർ വർധിച്ച് 4435 ഡോളർ എന്ന നിരക്കിലാണുള്ളത്. വെള്ളിക്ക് രണ്ട് ശതമാനത്തോളം ഉയർന്ന് ട്രോയ് ഔൺസിന് 66.16 ഡോളർ എന്ന നിലയിലുമാണുള്ളത്.