ട്രെയിനിലെ ജല ദൗര്ലഭ്യത്തിന് പരിഹാരവുമായി ഇന്ത്യന് റെയില്വേ
ട്രെയിനിലെ ഓരോ കംപാര്ട്ട്മെന്റിലേയും വാട്ടര് ടാങ്കുകളില് 5 മിനിറ്റു കൊണ്ട് വെള്ളം നിറയ്ക്കാവുന്ന സാങ്കേതിക സംവിധാനമുള്ള 'ഓട്ടമാറ്റിക് ക്വിക് വാട്ടറിങ് സിസ്റ്റം' നടപ്പാക്കാന് റെയില്വേ ബോര്ഡ് തീരുമാനിച്ചു.
ഓരോ സ്റ്റേഷനിലും ട്രെയിനുകള് തങ്ങുന്നത് 10 മിനിറ്റില് താഴെ സമയം മാത്രമാണ്. എന്നാല് ടാങ്ക് നിറയ്ക്കാന് 20 മിനിറ്റ് വേണ്ടിവരും. ഈ സാഹചര്യത്തിലാണ് സാങ്കേതിക പരിഷ്കാരം നടപ്പാക്കാന് റെയില്വേ തീരുമാനിച്ചത്. 300 - 400 കിലോമീറ്റര് ഇടവിട്ടുള്ള സ്റ്റേഷനുകളിലാണ് ജലം നിറയ്ക്കാന് സൗകര്യമുള്ളത്.
ഇതിനായി വാല്വുകളും പ്രഷര് പമ്പുകളും കൂടുതല് മര്ദ്ദം താങ്ങാന് ശേഷിയുള്ള പൈപ്പുകളും സ്ഥാപിക്കും. ടാങ്കുകളിലെ ജലവിതാനം കണ്ട്രോള് റൂമില് തത്സമയം നിരീക്ഷിക്കാം. 5 മിനിറ്റിനുള്ളില് ട്രെയിനിലെ എല്ലാ കംപാര്ട്മെന്റിലെയും ടാങ്കുകളില് ഒരേസമയം 1,000 ലിറ്റര് വീതം നിറയ്ക്കാം. 400 കോടി രൂപ ചെലവില് രാജ്യത്തെ 140 സ്റ്റേഷനുകളിലാണ് പരിഷ്കാരം നടപ്പാക്കുക. അടുത്ത മാര്ച്ചില് തന്നെ പകുതിയിലേറെ കേന്ദ്രങ്ങളില് പുതിയ സിസ്റ്റം നിലവില് വരും.
https://www.facebook.com/Malayalivartha