ശമ്പളത്തിന്റെ ആധിക്യമോ പരസ്യത്തിന്റെ ആകര്‍ഷണീയതയോ അല്ല ഈ ജോലിയെ വ്യത്യസ്തമാക്കുന്നത്. മറിച്ച് ജോലിയുടെ സ്വഭാവമാണ്.കമ്പനിയുടെ ഉത്പന്നങ്ങള്‍ പരീക്ഷിച്ചുനോക്കി അവയെക്കുറിച്ച് റിവ്യൂ എഴുതുക. പക്ഷെ ഉത്പന്നങ്ങള്‍ എന്താണെന്നറിഞ്ഞാല്‍ നിങ്ങള്‍ തരിച്ചുപോകും! സ്വയംഭോഗത്തിനായുള്ള സെക്‌സ് കളിപ്പാട്ടങ്ങളാണ് അവ! കമ്പനിയുടെ സെക്‌സ് കളിപ്പാട്ടങ്ങള്‍ ഉപയോഗിച്ചുനോക്കി പ്രവര്‍ത്തനം വിലയിരുത്തുകയെന്നതാണ് ജോലി.

ലോകപ്രശസ്ത സെക്‌സ് കളിപ്പാട്ട കമ്പനിയായ ലവ് വൂ ആണ് പുതിയ തസ്തികയിലേക്ക് അപേക്ഷകള്‍ ക്ഷണിച്ചത്. കമ്പനിയുടെ പരസ്യം വന്നയുടന്‍ അത് അഗോള മാധ്യമങ്ങള്‍ ഏറ്റെടുത്തു. വിവിധ തരത്തിലുള്ള സെക്‌സ് കളിപ്പാട്ടങ്ങള്‍ പ്രവര്‍ത്തിപ്പിച്ചും ഉപയോഗിച്ചും നോക്കുക, അവയേപ്പറ്റി നിരൂപണമെഴുതുക. വീഡിയോ നിരൂപണങ്ങളും വേണ്ടിവരും. അവ സോഷ്യല്‍ മീഡിയയിലൂടെ പ്രചരിപ്പിക്കുക, അന്വേഷണങ്ങള്‍ക്ക് മറുപടി പറയുക എന്നിവയെല്ലാം ജോലിയുടെ ഭാഗമാണ്. ഇന്ത്യന്‍ രൂപയില്‍ 23 ലക്ഷമാണ് വാര്‍ഷിക ശമ്പളം. എന്തായാലും ഇത്തരത്തിലൊരു ജോലിക്കായി അപേക്ഷിച്ചിരിക്കുന്നത് ഒട്ടനവധി ആളുകളാണ്. പ്രധാനപ്പെട്ട ആഗോള മാധ്യമങ്ങളെല്ലാം വാര്‍ത്ത നല്‍കിയതിലൂടെത്തന്നെ പരസ്യത്തിന് വലിയ പ്രചാരം ലഭിച്ചിട്ടുണ്ട്.