പുതിയ മാസത്തിന്റെ തുടക്കത്തില്‍തന്നെ നേട്ടംനിലനിര്‍ത്തി സൂചികകള്‍. നിഫ്റ്റി വീണ്ടും 13,000ന് മുകളിലെത്തി. 155 പോയന്റാണ് സെന്‍സെക്സിലെ നേട്ടം. 44,304ലാണ് വ്യാപാരം നടക്കുന്നത്. നിഫ്റ്റിയാകട്ടെ 41 പോയന്റ് ഉയര്‍ന്ന് 13,009ലുമെത്തി. സമ്പദ്ഘടനയുടെ തിരിച്ചുവരവിന്റെ അടയാളമായി രണ്ടാം പാദത്തില്‍ ഡിജിപി നിരക്ക് ഉയര്‍ന്നത് വിപണിക്ക് ആശ്വാസം പകര്‍ന്നിട്ടുണ്ട്.

ഗെയില്‍, ശ്രീ സിമെന്റ്സ്, ഇന്‍ഫോസിസ്, ഗ്രാസിം, ബജാജ് ഓട്ടോ, ഇന്‍ഡസിന്‍ഡ് ബാങ്ക്, ടാറ്റ സ്റ്റീല്‍, അദാനി പോര്‍ട്സ്, സണ്‍ ഫാര്‍മ, ഐസിഐസിഐ ബാങ്ക്, പവര്‍ഗ്രിഡ് കോര്‍പ്, ഹിന്‍ഡാല്‍കോ തുടങ്ങിയ ഓഹരികളാണ് നേട്ടത്തില്‍.