സെന്സെക്സ് സൂചിക ചരിത്രത്തില് ആദ്യമായി 70,000 പിന്നിട്ടു.... വിപണിയില് മുന്നേറ്റം തുടരാന് സാധ്യത
ചരിത്രത്തില് ആദ്യമായി സെന്സെക്സ് സൂചിക 70,000 പിന്നിട്ടു. ബാങ്ക്, ധനകാര്യ സേവനം, ഐടി എന്നീ വിഭാഗങ്ങളിലെ ഓഹരികളിലെ കുതിപ്പാണ് സൂചികയെ എക്കാലത്തെയും ഉയര്ന്ന നിലവാരത്തിലെത്തിച്ചത്. ശക്തമായ സാമ്പത്തിക സൂചകങ്ങള്, അസംസ്കൃത എണ്ണ വിലയിലെ ഇടിവ്, ആഗോള തലത്തില് പലിശ നിരക്കുകള് കുറയാനുള്ള സാധ്യത, വിദേശ നിക്ഷേപകരുടെ തിരിച്ചുവരവ്, മ്യൂച്വല് ഫണ്ട് നിക്ഷേപകരില്നിന്നുള്ള പണവരവ് എന്നിവയാണ് വിപണിയെ ചലിപ്പിച്ചത്. തുടര്ച്ചയായ ദിവസങ്ങളില് വിപണി മികച്ച നേട്ടത്തില് മുന്നോട്ടു പോകുകയാണ്.
സെന്സെക്സ് ഓഹരികളില് ഇന്ഡസിന്ഡ് ബാങ്ക്, ടാറ്റ മോട്ടോഴ്സ്, എസ്ബിഐ, കൊട്ടക് മഹീന്ദ്ര ബാങ്ക്, എച്ച്സിഎല് ടെക് തുടങ്ങിയ ഓഹരികളാണ് മികച്ച നേട്ടത്തില്. ഏഷ്യന് പെയിന്റ്സ്, സണ് ഫാര്മ, മഹീന്ദ്ര ആന്ഡ് മഹീന്ദ്ര, ടൈറ്റന്, മാരുതി തുടങ്ങിയ ഓഹരികളില് നഷ്ടത്തോടെയുമാണ് വ്യാപാരം നടക്കുന്നത്.
വിദേശ നിക്ഷേപകരുടെ തിരിച്ചുവരവ്, ആഭ്യന്തര നിക്ഷേപ സ്ഥാപനങ്ങളുടെ നീക്കം, റീട്ടെയില് നിക്ഷേപകരുടെ ഇടപെടല് എന്നിവയെല്ലാമാണ് വിപണിയുടെ കുതിപ്പിന് പിന്നില്.ബാങ്ക് നിഫ്റ്റിയുടെ പ്രകടനം നിഫ്റ്റിയെ മറികടന്ന് മുന്നേറുന്നു.
https://www.facebook.com/Malayalivartha
