ബ്രോഡ്കാസ്റ്റ് എഞ്ചിനീയറിങ് കണ്‍സള്‍ട്ടന്റ് ഇന്ത്യ ലിമിറ്റഡില്‍ (BECIL) 1500 ഒഴിവുകളുണ്ട്.. സ്‌കില്‍ഡ്, അണ്‍-സ്‌കില്‍ഡ് വിഭാഗങ്ങളിലുള്ള തസ്തികകളിലാണ് ഒഴിവുകള്‍...

താല്‍പ്പര്യമുള്ളവര്‍ക്ക് ഓണ്‍ലൈനായി അപേക്ഷ സമര്‍പ്പിക്കാം. ഒക്ടോബര്‍ 20 ആണ് അപേക്ഷിക്കേണ്ട അവസാന തീയതി. അണ്‍സ്‌കില്‍ഡ് തസ്തികയിലേക്ക് എട്ടാം ക്ലാസ് ജയിച്ചവര്‍ക്ക് അപേക്ഷിക്കാം. സ്‌കില്‍ഡ് തസ്തികയില്‍ ഐ.ടി.ഐ ഇലക്ട്രിക്കല്‍ ട്രേഡോ ടെക്‌നിക്കല്‍ ഡിപ്ലോമയോ ഉള്ളവര്‍ക്ക് അപേക്ഷിക്കാന്‍ യോഗ്യതയുണ്ട്.

ജനറല്‍ വിഭാഗത്തിനും ഒ.ബി.സി വിഭാഗത്തിനും 500 രൂപയാണ് അപേക്ഷാ ഫീസ്. എസ്.സി/ എസ്.ടി/ ഭിന്നശേഷിക്കാര്‍ എന്നിവര്‍ക്ക് 250 രൂപ അടച്ചാല്‍ മതിയാകും.

ട്രെയിനിങ് പൂർത്തിയാക്കുന്ന 1500 പേർക്കാണ് നിയമനം നൽകുന്നത് . ഇത് കൂടാതെ BECIL ഇനി പറയുന്ന തസ്തികകളിലേക്കും അപേക്ഷ ക്ഷണിച്ചിട്ടുണ്ട്

നെറ്റ്‌വർക്ക് അഡ്മിനിസ്ട്രേറ്റർ തസ്തികയിലേക്ക് അപേക്ഷിക്കുന്നതിന് അംഗീകൃത സർവകലാശാലയിൽ നിന്നുള്ള എൻജിനീയറിങ് ബിരുദമാണ് യോഗ്യത .. അഞ്ചു വർഷത്തെ പ്രവർത്തന പരിചയം വേണം . ബിരുദാനന്തര ബിരുദമുള്ളവർക്ക് മൂന്നു വർഷത്തിൽ കുറയാത്ത പ്രവൃത്തി പരിചയമാണ് വേണ്ടത്

ഹാർഡ് വെയർ സപ്പോർട്ട് ടെക്‌നീഷ്യൻ തസ്തികയിലേക്ക് കംപ്യുട്ടർ ആപ്പ്ളിക്കേഷൻ ഡിപ്ലോമയും 4 വർഷത്തെ പ്രവൃത്തി പരിചയവും ഉള്ളവരാണ് അപേക്ഷിക്കേണ്ടത്

പേഷ്യന്റ് കെയർ മാനേജർക്ക് ലൈഫ് സയൻസിൽ ബിരുദവും ഏതെങ്കിലും അംഗീകൃത ഹോസ്പിറ്റലിൽ ബിരുദാന്തര ബിരുദവുമാണ് യോഗ്യത . ഒരുവർഷത്തെ പ്രവൃത്തി പരിചയവും ഉണ്ടായിരിക്കണം

പ്രൊജക്റ്റ് ഡയറക്ടർ , അസിസ്റ്റന്റ് പ്രോജക്ട് ഡയറക്ടർ എന്നീ തസ്തികകളിലേക്ക് അപേക്ഷിക്കാനുള്ള അടിസ്ഥാന യോഗ്യത എൻജിനീയറിങ് ബിരുദം ആണ് . മതിയായ പ്രവൃത്തി പരിചയം ഉള്ളവർക്കാണ് മുൻഗണന

താൽപ്പര്യമുള്ളവർ ബ്രോഡ്കാസ്റ്റ് എഞ്ചിനീയറിങ് കണ്‍സണ്‍ട്ടന്റ് ഇന്ത്യ ലിമിറ്റഡിന്റെ ഔദ്യോഗിക വെബ്‌സൈറ്റായ https://www.becil.com ല്‍ ആണ് അപേക്ഷിക്കേണ്ടത്

കൂടുതൽ വിവരങ്ങൾക്ക് ഔദ്യോഗിക വെബ്‌സൈറ്റ് സന്ദർശിക്കുക