ഇന്ത്യൻ നാവികസേന ഷോർട്ട് സർവീസ് കമ്മീഷൻ (SSC) ഓഫീസർ തസ്തികകളിലേക്ക് യോഗ്യരായ ഉദ്യോഗാർഥികളിൽ നിന്ന് അപേക്ഷ ക്ഷണിച്ചിരിക്കുകയാണ്. രജിസ്ട്രേഷൻ നടപടികൾ ആരംഭിച്ചിട്ടുണ്ട്. മാർച്ച് 10 ആണ് അവസാന തീയതി. ഈ റിക്രൂട്ട്‌മെൻ്റ് ഡ്രൈവ് വഴി എസ്എസ്‌സി ഓഫീസർമാരുടെ 254 ഒഴിവുകൾ ആണ് നികത്തുന്നത് . താൽപര്യവും യോഗ്യതയുമുള്ള ഉദ്യോഗാർഥികൾക്ക് joinindiannavy.gov.in എന്ന ഔദ്യോഗിക വെബ്‌സൈറ്റ് സന്ദർശിച്ച് ഈ തസ്തികകളിലേക്ക് അപേക്ഷിക്കാം. അവിവാഹിതർക്ക് മാത്രമേ അപേക്ഷിക്കാനാവൂ എന്നത് പ്രത്യേകം ശ്രദ്ധിക്കുക.

ഒഴിവുകളുടെ വിശദാംശങ്ങൾ

എക്സിക്യൂട്ടീവ് ബ്രാഞ്ച്: 136 ഒഴിവുകൾ
എജ്യുക്കേഷൻ ബ്രാഞ്ച്: 18
ടെക്‌നിക്കൽ ബ്രാഞ്ച്: 100

യോഗ്യത

എക്‌സിക്യൂട്ടീവ് ബ്രാഞ്ച് ലക്ഷ്യമിടുന്ന ഉദ്യോഗാർത്ഥികൾ ഏതെങ്കിലും വിഷയത്തിൽ ബിഇ അല്ലെങ്കിൽ ബിടെക്കിൽ കുറഞ്ഞത് 60% മാർക്ക് നേടിയിരിക്കണം. എജ്യുക്കേഷൻ ബ്രാഞ്ചിലേക്ക് അപേക്ഷിക്കുന്ന ഉദ്യോഗാർത്ഥികൾ എം എസ് സി യിൽ 60% മാർക്ക് നേടിയിരിക്കണം. ടെക്‌നിക്കൽ ബ്രാഞ്ചിനായി, തിരഞ്ഞെടുത്ത തസ്തികയെ ആശ്രയിച്ച് മെക്കാനിക്കൽ, മറൈൻ, എയറോനോട്ടിക്കൽ, മെറ്റലർജി തുടങ്ങിയ പ്രത്യേക വിഷയങ്ങളിൽ ബിഇ അല്ലെങ്കിൽ ബിടെക്കിൽ കുറഞ്ഞത് 60% മാർക്ക് നേടിയിരിക്കണം.
ആവശ്യമായ യോഗ്യതയെക്കുറിച്ചുള്ള വിശദമായ വിവരങ്ങൾ വിജ്ഞാപനത്തിൽ പരിശോധിക്കാം.

അടിസ്ഥാന ശമ്പളം

അടിസ്ഥാന വേതനം 56100 രൂപ മുതൽ മറ്റ് അലവൻസുകൾക്കൊപ്പം ആരംഭിക്കുന്നു. കൂടുതൽ വിവരങ്ങൾക്ക് ഉദ്യോഗാർത്ഥികൾക്ക് ഇന്ത്യൻ നേവിയുടെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.

എങ്ങനെ അപേക്ഷിക്കാം?

* നാവികസേനയുടെ വെബ്‌സൈറ്റ് സന്ദർശിക്കുക
* നൽകിയിരിക്കുന്ന ഓൺലൈൻ അപേക്ഷാ ലിങ്കിൽ ക്ലിക്ക് ചെയ്യുക
* അപേക്ഷാ ഫോം പൂരിപ്പിക്കുക
* ആവശ്യമായ രേഖകൾ അപ്‌ലോഡ് ചെയ്യുക
* ഫീസ് അടയ്ക്കുക
* അപേക്ഷാ ഫോറം ഭാവി ഉപയോഗത്തിനായി പ്രിന്റെടുക്കുക.