അടുത്ത സാമ്പത്തിക വര്‍ഷം മുതല്‍ പി. എസ് . സി പരീക്ഷകളുടെ എണ്ണം കുറയ്ക്കാനൊരുങ്ങുന്നു. അടുത്തകാലംവരെ വര്‍ഷം ശരാശരി മുന്നൂറ് പരീക്ഷകളാണ് നടത്തിയിരുന്നതെങ്കില്‍, 2017- 18 സാമ്പത്തിക വര്‍ഷം നാനൂറോളമായി. ഇത് പകുതിയാക്കി 50 കോടി രൂപ ലാഭിക്കാനാണ് ശ്രമം. ചെലവേറിയ ഒപ്ടിക്കല്‍ മാര്‍ക്ക് റീഡിംഗ് ( ഒ. എം. ആര്‍ )പരീക്ഷകളാണ് കുറയ്ക്കുക. 5 ലക്ഷം ഉദ്യോഗാര്‍ത്ഥികളുണ്ടെങ്കില്‍ 2500 പരീക്ഷാ കേന്ദ്രങ്ങളൊരുക്കേണ്ടിവരും. സെന്ററൊന്നിന് 12 , 000 രൂപ ക്രമത്തില്‍ ഒരു പരീക്ഷയ്ക്കു വേണ്ടുന്നത് 2. 5 കോടിയാണ് . ഇങ്ങനെ ഒരു വര്‍ഷം 20 വലിയ പരീക്ഷകള്‍ നടത്തുന്ന പി. എസ്.സിക്കു ചെലവാകുന്നത് 50 കോടിയാണ്. മറ്റ് പരീക്ഷകളുമുണ്ട്. പരീക്ഷയ്ക്ക് ഒരു വര്‍ഷത്തേക്കുള്ള പി. എസ്. സി അലോക്കേഷന്‍ 130 കോടിമാത്രം.
പരീക്ഷകളിങ്ങനെ :
2015- 16 : 216 പരീക്ഷ ( 969 വിജ്ഞാപനം ), ഒ എം ആര്‍ 83.
201617 : 372 പരീക്ഷ ( 784 വിജ്ഞാപനം ),ഒ എം ആര്‍ 164
201718 : 340 പരീക്ഷ ( 800 വിജ്ഞാപനം ), ഒ എം ആര്‍ 207
പരീക്ഷകള്‍ കുറയ്ക്കുന്നതിങ്ങനെ :
സമാന യോഗ്യതയുള്ള തസ്തികളെ ഒറ്റഗ്രൂപ്പാക്കി പൊതുപരീക്ഷ, മൊത്തം തസ്തികകളെ ഏഴ് ഗ്രൂപ്പാക്കി പരീക്ഷ,
ഓണ്‍ ലൈന്‍ പരീക്ഷകളും സെന്ററുകളും വര്‍ദ്ധിപ്പിക്കും, ലാസ്റ്റ് ഗ്രേഡിലേക്ക് ഡിഗ്രിക്കാരെയും കെ.എസ് . ഇ. ബി മസ്ദൂറിലേക്ക്, പത്താംക്‌ളാസ് ജയിച്ചവരെയും വിലക്കിയതുപോലുള്ള നടപടിവരും,പൊലീസ് കോണ്‍സ്റ്റബിളാവാന്‍ ഉയരവും യോഗ്യതയും കൂട്ടി അപേക്ഷകരെ കുറയ്ക്കും, പരിമിത ഒഴിവുള്ള തസ്തികകളില്‍
സമ്മതപത്രംവാങ്ങി സമാനയോഗ്യതയില്‍ നിയമിക്കും.

പരീക്ഷ കുറച്ചാലുള്ള നേട്ടങ്ങള്‍ എന്തെന്നു പറഞ്ഞാല്‍ ഒരു തസ്തികയിലേക്ക് ഒരുപാട് പരീക്ഷയെഴുതേണ്ട, കൂടക്കൂടെ പരീക്ഷ നടക്കുന്നതുവഴി ക്രാഷ് കോഴ്‌സ്, സെന്ററുകളുടെ ചൂഷണത്തില്‍നിന്നൊഴിവാകാം,
ഫിസിക്കല്‍ ടെസ്റ്റ്, പാക്ടിക്കല്‍ ടെസ്റ്റ്, ഇന്റര്‍വ്യൂ എന്നിവയില്‍ ഒരിക്കല്‍ പങ്കെടുത്താല്‍മതി
അതേസമയം ഏകീകൃത പരീക്ഷകള്‍ക്ക് ദോഷവുമുണ്ട്. ഉദ്യോഗാര്‍ത്ഥികളുടെ അവസരം കുറയും,ഒരു പരീക്ഷയില്‍ പിന്നിലായിപ്പോയാലും, തുടര്‍ന്ന് നില മെച്ചപ്പെടുത്തി ജോലി നേടാനുള്ള അവസരമില്ല.