മൊബൈൽഫോണിൽ എസ് എം എസ് ആയി അറിയിക്കുന്ന വിവരങ്ങൾ കിട്ടുന്നില്ലെന്ന ഉദ്യോഗാർഥികളുടെ പരാതിക്കു പരിഹാരമായി ഇ മയിലിന്റെ സാധ്യത പി എസ് സി പരീക്ഷിക്കുന്നു .തിരഞ്ഞെടുപ്പ് നടപടികളെ കുറിച്ച് ഉദ്യോഗാർത്ഥികൾക്കുള്ള വ്യക്തിഗത അറിയിപ്പുകൾ ഇനി ഇ മെയിലുകൾ നൽകും .നിലവിൽ പ്രൊഫൈലിലും മൊബൈൽ ഫോണിലുമാണ് ഇത്തരം സന്ദേശങ്ങൾ അയക്കുന്നത്.

മൊബൈൽ സന്ദേശങ്ങൾ പലപ്പോഴും ലഭിക്കാറില്ലെന്നു ഉദ്യോഗാർത്ഥികളിൽ നിന്ന് പരാതി ലഭിക്കുന്നുണ്ട്. ജൂൺ ഒൻപതിന് നിശ്ചയിച്ചിരുന്ന കമ്പനി/കോർപറേഷൻ/അസിസ്റ്റന്റ് പരീക്ഷ എഴുതുമെന്ന് ഉറപ്പു നൽകാത്തതിന്റെ പേരിൽ ഒന്നരലക്ഷത്തോളം പേരുടെ അപേക്ഷ പി എസ് സി റദ്ധാക്കിയിരുന്നു.മൊബൈൽ സന്ദേശം ലഭിക്കാത്തതിനാൽ ഉറപ്പ് നല്കാനായില്ലെന്നു നിരവധിപേർ കമ്മീഷനെ അറിയിച്ചു .

ഫോൺ കേടായതും കൈമാറ്റം ചെയ്തതും റേഞ്ച് കിട്ടാത്തതുമാണ് കാരണങ്ങളായി പറയുന്നത് .എന്നാൽ പരീക്ഷ വിവരം മൊബൈൽ ഫോണിന് പുറമെ യഥാ സമയം പ്രൊഫൈലും സന്ദേശവുമായി നല്കിയിരുന്നതിനാൽ ഇളവ് നല്കാൻ ആകില്ലെന്ന് കമ്മിഷൻ നിലപാടെടുത്തത് .ഉദ്യോഗാർത്ഥികൾ സ്ഥിരമായി പ്രൊഫൈൽ സന്ദർശിക്കണമെന്നും പി എസ് സി നിർദ്ദേശിച്ചു .

മൂന്നാമത്തെ ഉപാധി എന്ന നിലയിൽ ഇ മെയിലിൽ കൂടി സന്ദേശം നൽകാനാണ് പി എസ് സി യോഗം ഇപ്പോൾ തീരുമാനിച്ചത് . അതിനു ഉദ്യോഗാർത്ഥികൾ പ്രൊഫൈലിൽ ഇ മെയിൽ വിലാസം കൂടി ചേർക്കണം .അതിനുള്ള ലിങ്ക് ഒറ്റത്തവണ പ്രൊഫൈലിൽ ഉടൻ ലഭ്യമാകും .

പുതുതായി രെജിസ്റ്റർ ചെയ്യുന്നവർക്ക് ഇ മയിൽ വിലാസം ചേർക്കാനുള്ള സൗകര്യം ഏർപ്പെടുത്തും . വിദേശത്തുള്ള ഉദ്യോഗാർത്ഥികൾക്കും ഇ മയിൽ സന്ദേശങ്ങൾ ഗുണം ചെയ്യും എന്നായിരിക്കും പി എസ് സി കരുതുന്നത്.മൊബൈലിൽ അയക്കുന്ന സന്ദേശങ്ങൾ വിദേശത്തു ഉള്ള വിദ്യാർത്ഥികൾക്ക് ലഭിക്കാറില്ല .