ഇനി ആരും കാത്തിരിക്കേണ്ട... ഗെയിം ഓഫ് ത്രോണ്‍സിന്റെ ക്ലൈമാക്‌സ് വെളിപ്പെടുത്തിയെന്ന് സോഫി ടര്‍ണര്‍
ഗെയിം ഓഫ് ത്രോണ്‍സ് അവസാന സീസണ്‍ ആരംഭിക്കുമെന്ന് എച്ച്ബിഒ ഔദ്യോഗികമായി തന്നെ അറിയിച്ചു കഴിഞ്ഞു. ഏപ്രില്‍ 14നാണ് ഗെയിം ഓഫ് ത്രോണ്‍സ് അവസാന സീസണ്‍ ആരംഭിക്കുന്നത്. ഇപ്പോള്‍ പഴയ സീസണുകള്‍ വീണ്ടും കണ്ടു കൊണ്ടിരിക്കുകയാണ് ആരാധകര്‍. ക്ലൈമാക്‌സിനായി കാത്തിരിക്കുന്ന ആരാധകര്‍ക്കായി ക്ലൈമാക്‌സ് വെളിപ്പെടുത്തിയെന്നാണ് സീരീസിലെ അഭിനേതാവായ സോഫി ടര്‍ണര്‍ പറയുന്നത്.
സീരീസിലെ ഏറ്റവും ശക്തമായ സ്ത്രീ കഥാപാത്രങ്ങളിലൊന്നായ സന്‍സ സ്റ്റാര്‍ക്കിനെ അവതരിപ്പിക്കുന്ന സോഫിക്ക് സന്‍സയെ പോലെ രഹസ്യങ്ങള്‍ സൂക്ഷിക്കാന്‍ കഴിയില്ലെന്നാണ് ഇപ്പോള്‍ വെളിപ്പെടുന്നത്. ഡബ്ല്യൂ മാഗസിന് നല്‍കിയ അഭിമുഖത്തിലാണ് താന്‍ കുറച്ചു പേരോട് ജിഒറ്റിയുടെ രഹസ്യം വെളിപ്പെടുത്തിയെന്ന് സോഫി പറഞ്ഞത്. എന്നാല്‍ മദ്യ ലഹരിയില്‍ അറിയാതെ പറഞ്ഞു പോയതല്ല അതെന്നും സോഫി പറഞ്ഞു.
സന്‍സ സ്റ്റാര്‍ക്കിന് പണ്ടുമുതലേ ആളുകളെ കൂടുതല്‍ വിശ്വാസമാണെന്നാണ് ഇതറിഞ്ഞ ആളുകളുടെ പ്രതികരണം. എന്നാല്‍ ലിറ്റില്‍ഫിങ്കറെ സ്‌നേഹം നടിച്ച് ചതിക്ക് തിരിച്ചു പ്രതികാരം ചെയ്ത സന്‍സയെ അങ്ങനെ വിട്ടു കളയാനാവില്ലെന്നും മറ്റു ചിലര്‍ പറയുന്നു.
എന്നിരുന്നാലും ത്രില്ല് കളയാതിരിക്കാന്‍ സ്‌പോയിലറുകള്‍ ഒഴിവാക്കാനാണ് മറ്റ് ചിലര്‍ പറയുന്നത്. ഫാന്‍ തിയറികളും അവസാന സീസണ്‍ ഊഹാപോഹങ്ങളുമെല്ലാം തകൃതിയായി നടക്കുന്നു. പ്രേക്ഷകരുടെ പ്രിയ കഥാപാത്രങ്ങളായ ആര്യ സ്റ്റാര്‍ക്ക്, ടിരിയണ്‍ ലാനിസ്റ്റര്‍ തുടങ്ങിയ കഥാപാത്രങ്ങളുടെ വിടപറച്ചില്‍ സമൂഹമാധ്യമങ്ങളില്‍ വലിയ ചര്‍ച്ചകള്‍ ഉണ്ടാക്കിയിരുന്നു.
https://www.facebook.com/Malayalivartha
