ഒരു രാജ്യാന്തര മാധ്യമത്തിനു നല്‍കിയ ഏറ്റവും പുതിയ അഭിമുഖത്തിലൂടെ താന്‍ പോണ്‍ വ്യവസായത്തിന്റെ ഭാഗമാകാന്‍ തീരുമാനിച്ചുവെന്ന് പ്രശസ്ത ഹോളിവുഡ് സംവിധായകന്‍ സ്റ്റീവന്‍ സ്പില്‍ബര്‍ഗിന്റെ വളര്‍ത്തുമകള്‍ മൈക്കല വെളിപ്പെടുത്തി.

പോണ്‍താരമാകാനാണ് താത്പര്യം എന്ന് അറിയിച്ചപ്പോള്‍ അച്ഛനും അമ്മയും പൂര്‍ണ പിന്തുണ നല്‍കിയതായും മൈക്കല പറഞ്ഞു. 'അവരുടെ ഏറ്റവും പ്രധാനപ്പെട്ട കാര്യങ്ങളില്‍ ഒന്ന് എന്റെ സുരക്ഷിതത്വമാണ്. ഈ തൊഴില്‍ ചെയ്യാന്‍ ഞാന്‍ ആഗ്രഹിക്കുന്നു. കൂടുതല്‍ സാമ്പത്തിക ലാഭം ഇതിലൂടെ നേടാന്‍ സാധിക്കുമെന്നാണ് കരുതുന്നത്.'-മൈക്കല വ്യക്തമാക്കി.

'എന്റെ ശരീരം എങ്ങനെ ഉപയോഗപ്പെടുത്തണമെന്ന തീരുമാനം എടുക്കുന്നത് ഞാന്‍ തന്നെയാണ്. പരമ്പരാഗതമായ രീതിയിലുള്ള തൊഴിലുകളില്‍ താത്പര്യമില്ല. അത്തരം ജോലികള്‍ കൊണ്ട് ആത്മസംതൃപ്തി ലഭിക്കാറില്ല. ബാല്യത്തില്‍ ഞാന്‍ ലൈംഗിക പീഡനത്തിന് ഇരയായിട്ടുണ്ട്. ഇതിലൂടെ പലരീതിയിലുള്ള മാനസിക പ്രശ്‌നങ്ങളും ഞാന്‍ നേരിടേണ്ടി വന്നിട്ടുണ്ട്. ഒരിക്കലും കുടുംബത്തില്‍ നിന്നുള്ളവരല്ല, ഇത്തരം ലൈംഗിക ചൂഷണങ്ങള്‍ നടത്തിയത്. കുടുംബവുമായി അടുത്ത ബന്ധമുള്ള ചിലരാണ് ചൂഷണം ചെയ്തത്.'- മൈക്കല കൂട്ടിച്ചേര്‍ത്തു.

മറ്റുള്ളവരെ അപേക്ഷിച്ച് കൂടുതല്‍ ലൈംഗികാസക്തിയുള്ള ആളാണ് താനെന്ന് തോന്നിയിട്ടുണ്ടെന്നും മൈക്കല പറഞ്ഞു.