അമേരിക്കന് നടി നയ റിവേറയുടെ മൃതദേഹം കിട്ടി
ബോട്ടുസവാരിക്കിടെ കാണാതായ അമേരിക്കന് നടി നയ റിവേറ (33)യുടെ മൃതദേഹം കിട്ടി. നാലു വയസ്സുള്ള മകന് ജോസിക്കൊപ്പം തെക്കന് കലിഫോര്ണിയയിലെ തടാകത്തില് കഴിഞ്ഞ 8-നാണ് ബോട്ടുസവാരിക്കിറങ്ങിയത്. മടങ്ങിയെത്താതിരുന്നതിനെ തുടര്ന്നുള്ള തിരച്ചിലില് ബോട്ട് കണ്ടെത്തുമ്പോള് കുട്ടി അതില് ഉറങ്ങിക്കിടപ്പുണ്ടായിരുന്നു.
താന് നീന്താനിറങ്ങിയെന്നും തന്നെ ബോട്ടില് തിരിച്ചു കയറ്റിയതിനു പിന്നാലെ അമ്മ വെള്ളത്തില് മറയുന്നത് കണ്ടെന്നുമാണു കുട്ടി പറഞ്ഞത്. നയ ലൈഫ് വെസ്റ്റ് അണിഞ്ഞിരുന്നില്ല.
10 വര്ഷം മുന്പ് സൂപ്പര് ഹിറ്റായ 'ഗ്ലീ' എന്ന ടെലിവിഷന് പരമ്പരയിലൂടെയാണു പ്രശസ്തയായത്. നാലാം വയസ്സില് അഭിനയരംഗത്തെത്തിയതാണ് നയ റിവേറ. 2014-ല് നടന് റയന് ഡോര്സിയെ വിവാഹം ചെയ്തെങ്കിലും 2018-ല് വേര്പിരിഞ്ഞു.
ഗ്ലീയില് അഭിനയിച്ചവരില് അകാലമരണം സംഭവിക്കുന്ന മൂന്നാമത്തെ താരമാണ് നയ റിവേറ. പരമ്പരയിലെ പ്രധാനവേഷങ്ങളിലൊന്നു ചെയ്ത കോറി മൊന്റീത്ത് 2013-ല് ലഹരിമരുന്ന് അമിതമായി ഉള്ളില്ച്ചെന്നു മരിച്ചപ്പോള് മറ്റൊരു താരം മാര്ക്ക് സാലിങ് 2018-ല് ആത്മഹത്യ ചെയ്തിരുന്നു.
https://www.facebook.com/Malayalivartha
