ശ്രീകുമാര് മേനോന്റെ അടവുകളൊന്നും എംടിക്കടുത്ത് നടക്കുന്നില്ല; 'രണ്ടാമൂഴം' കേസ് ഇന്ന് തുടങ്ങും
ഇന്ത്യന് സിനിമയിലെ തന്നെ ബ്രഹ്മാണ്ഡ ചിത്രമാകുമെന്ന പ്രതീക്ഷയോടെ മലയാളത്തില് നിന്നുയര്ന്ന 'രണ്ടാമൂഴം' പക്ഷേ ഇപ്പോള് ആശങ്കയിലാണ്. തിരക്കഥാകൃത്ത് എംടി വാസുദേവന് നായരും സംവിധായകന് ശ്രീകുമാര് മേനോനും തമ്മിലുള്ള അഭിപ്രായ വ്യത്യാസങ്ങളാണ് സിനിമ പ്രതിസന്ധിയിലാകാന് കാരണം. ശ്രീകുമാര് മേനോന് ഇനി സിനിമ ചെയ്യേണ്ടെന്നും
തിരക്കഥ തിരികെ ലഭിക്കണമെന്നാവശ്യപ്പെട്ടും എംടി വാസുദേവന് നായര് നല്കിയ ഹര്ജിയില് കോഴിക്കോട് ജില്ലാ സെഷന്സ് കോടതിയില് ഇന്ന് വാദം തുടങ്ങും. കേസില് മദ്ധ്യസ്ഥനെ വേണമെന്ന് ശ്രീകുമാര് മേനോന് കോടതിയില് ആവശ്യപ്പെട്ടെങ്കിലും എംടി തയ്യാറായില്ല. കരാര് കാലാവധി കഴിഞ്ഞിട്ടും സിനിമ ചിത്രീകരണം തുടങ്ങാത്തതിനാലാണ് സംവിധായകന് വിഎ ശ്രീകുമാര് മേനോനെ എതിര്കക്ഷിയാക്കി എംടി വാസുദേവന് നായര് കോതിയെ സമീപിച്ചത്.
മലയാളത്തിലും ഇംഗ്ലീഷിലും തിരകഥ എഴുതി നല്കിയിട്ട് മൂന്ന് വര്ഷം പിന്നിട്ടിട്ടും ചിത്രീകരണം തുടങ്ങാത്തതാണ് എംടിയെ പ്രകോപിപ്പിച്ചത്. തിരകഥ ഉപയോഗിച്ച് സിനിമ തുടങ്ങുന്നതില് നിന്ന് സംവിധായകനെയും നിര്മാതാവിനെയും കോടതി വിലക്കിയിരുന്നു.
തിരക്കഥ തിരികെ ലഭിക്കണമെന്നാവശ്യപ്പെട്ട് കഴിഞ്ഞ വര്ഷം ഒക്ടോബര് 11നാണ് എം.ടി. കേസ് നല്കിയത്്. കേസില് സംവിധായകന്, എര്ത്ത് ആന്ഡ് എയര്ഫിലിം നിര്മാണ കമ്പനി എന്നിവരാണ്് എതിര്കക്ഷികള്. 2014ലാണ്് സിനിമക്കായി മൂന്നുവര്ഷത്തേക്ക് കരാര് ഒപ്പിട്ടത്്. നാലുവര്ഷം കഴിഞ്ഞിട്ടും പ്രാരംഭ പ്രവര്ത്തനങ്ങള്പോലും തുടങ്ങിയിരുന്നില്ല.
https://www.facebook.com/Malayalivartha