മലയാള സിനിമാ പ്രേക്ഷകരെ കുടുകുടെ ചിരിപ്പിക്കുന്ന താരമാണ് ഹരീഷ് കണാരൻ. നടൻ ആദ്യമായി നായകവേഷത്തിൽ ഒരു ചിത്രത്തിൽ എത്തുന്നുവെന്ന വാർത്തകൾ ഇപ്പോൾ പുറത്ത് വരുന്നു. അദ്ദേഹത്തിന് ആശംസകളുമായി സുഹൃത്തും നടനുമായ നിർമൽ പാലാഴി രംഗത്ത് വന്നിരിക്കുകയാണ് .

ഹരീഷ് കണാരൻ 100...150 നും പ്രോഗ്രാം ചെയ്ത് ഒരുപാട് അലഞ്ഞു നടന്നിട്ടുണ്ട്. ബസ്സിന്റെ സമയം കഴിഞ്ഞു ലോറികളിൽ കയറി വരാറുള്ള കാര്യവും അദ്ദേഹം ഓർത്തെടുക്കുന്നു. വണ്ടി ഇല്ലെങ്കിൽ രാവിലെ വരെ ബസ്റ്റോപ്പിലും പീടിക കൊലായിലും കിടന്നിട്ടുണ്ടത്രെ . രാത്രിയാവുമ്പോ വീട്ടിലെത്തണമെന്നാണ് അദ്ദേഹം ആഗ്രഹിക്കുന്നത് നല്ല മത്തി മുളകിട്ടതും കൂട്ടി ചോറു തിന്നണം ഇതായിരുന്നു മൂപ്പർക്കുണ്ടായിരുന്ന മൂഡ് .

അതുകൊണ്ട് തന്നെ കഷ്ടപ്പെട്ട് ഏതെങ്കിലും ലോങ് പ്രോഗ്രാം പിടിച്ചാൽ ഇയ്യി മുണ്ടാണ്ട്‌ ഇരിക്കേടോ...ഇനി അവടെ വരെ പോയി എപ്പോ വീട്ടിൽ എത്താനാ...അങ്ങനെ പറഞ്ഞു പ്രോഗ്രാം ഒഴിവാക്കാറുണ്ടായിരുന്നുവത്രേ . ഇങ്ങനത്തെ മടിയന് ദൈവം കൊടുത്ത ഒരു പണിനോക്കണം നിന്ന് തിരിയാൻ സമയം ഇല്ലാതെ ഒന്ന് വീട്ടിൽ ഇരിക്കാൻ സമയം കൊടുക്കാതെ മലയാളത്തിലെ തിരക്കുള്ള ഒരു നടനാക്കി എന്നും അദ്ദേഹം ഓർമ്മിച്ചെടുക്കുന്നു .

ഇപ്പോൾ ആദ്യമായി ഒരു സിനിമയെ നയിക്കുന്ന നായകൻ ആവുന്ന ഒരു പുതിയ തുടക്കം. പ്രിയ സ്നേഹിതന് എല്ലാവിധ വിജയാശംസകളും നേരുന്നുവെന്നാണ് അദ്ദേഹം പറയുന്നത് .മലയാള സിനിമയിലും മിമിക്രി, സ്കിറ്റ് രംഗത്തും നിറഞ്ഞുനിൽക്കുന്ന കലാകാരനാണ് ഹരീഷ് കണാരൻ, ഹരീഷ് പെരുമണ്ണ, എന്നുകൂടി അറിയപ്പെടുന്ന ഇദ്ദേഹം ടിവി റിയാലിറ്റി ഷോ ആയ കോമഡി ഫെസ്റ്റിവലിൽ ജാലിയൻ കണാരൻ എന്ന വേഷപ്പകർച്ചയിലൂടെ ആണ് മലയാളീമനസ്സിൽ സ്ഥാനം പിടിച്ചത്.

കാലിക്കറ്റ് ഫ്രണ്ട്സ് എന്ന മിമിക്രി ട്രൂപ്പിലൂടെയാണ് ഹരീഷ് തന്റെ ജീവിതം ആരംഭിക്കുന്നത്. കാലിക്കറ്റ് സൂപ്പർ ജോക്സ്, വി4 കാലിക്കറ്റ് എന്നീ ട്രൂപ്പുകളീലും പ്രവർത്തിച്ചു. മഴവിൽ മനോരമയിലെ കോമഡി ഫെസ്റ്റിവലിലൂടെ റ്റിവി രംഗത്തെത്തി. അവിടെ ജാലിയൻ കണാരൻ പ്രേഷകശ്രെദ്ധ പിടിച്ചുപറ്റി. ഉത്സാഹക്കമ്മിറ്റി എന്ന സിനിമയിലൂടെ 2014ൽ ചലച്ചിത്രരംഗത്തെത്തി.