മോഡലും നടിയുമായ തൻവി എസ്.രവീന്ദ്രന്‍ വിവാഹിതയായി. മുംബൈ സ്വദേശി ഗണേഷ് ആണു വരൻ. താലികെട്ടിന്റെയും കന്യാദാനത്തിന്റെയും വിഡിയോകൾ സമൂഹമാധ്യമത്തില്‍ താരം തന്നെ പങ്കുവച്ചിരുന്നു . വിവാഹവിശേഷം ആരാധകരെ തൻവി തന്നെ അറിയിക്കുകയായിരുന്നു .

മോഡലിങ്ങിലൂടെയാണ് തൻവി അഭിനയരംഗത്തേക്ക് എത്തുന്നത്. പരസ്പരം, ഭദ്ര, രാത്രിമഴ, മൂന്നുമണി എന്നീ സീരിയലുകളില്‍ അഭിനയിച്ചു.ഗണേഷ് ദുബായിലാണ് പ്രോജക്ട് മാനേജറായാണു ജോലി ചെയ്യുന്നത്. ദുബായിൽ വച്ചായിരുന്നു ഇവരുടെ വിവാഹനിശ്ചയം നടന്നത് .‌നിരവധിപേർ സോഷ്യൽമീഡിയയിൽ തൻവിക്കും ഗണേഷിനും വിവാഹമംഗളങ്ങളുമായി എത്തിയിട്ടുണ്ട്.

പരസ്പരമെന്ന സീരിയലിൽ ദീപ്തി എന്ന നായികാ കഥാപാത്രത്തെ വെല്ലുവിളിച്ച് നിറഞ്ഞ് നിന്ന വില്ലത്തിയായാണ് തൻവി അഭിനയിച്ച് തകർത്തത്. ജെന്നിഫർ എന്നായിരുന്നു പരസ്പരത്തിലെ പേര് . കൂടാതെ ടമാർ പഠാർ, സ്റ്റാർ മാജിക് റിയാലിറ്റി ഷോകളുടേയും ഭാഗമായി തൻവി വന്നിട്ടുണ്ട് .
ഏറെ ആവേശത്തിലാണ് ഞാൻ, ഇന്നാണ് ആ വലിയ ദിവസം, എന്ന് കുറിച്ചുകൊണ്ടായിരുന്നു സോഷ്യൽമീഡിയയിൽ തൻവി വിവാഹത്തെ കുറിച്ച് പറഞ്ഞത്.

അതിന് പിന്നാലെ കന്യാദാന ചടങ്ങിൽ നിന്നുള്ള വീഡിയോയും പങ്കുവയ്ക്കുകയുണ്ടായി. എയർ ഹോസ്റ്റസായിരുന്ന തൻവി മോഡലിംഗ് രംഗത്തു നിന്നായിരുന്നു അഭിനയത്തിലേക്കെത്തിയത്. മൂന്നുമണി എന്ന ടെലിവിഷൻ പരമ്പരയിലായിരുന്നു തൻവി ആദ്യമായി അഭിനയിച്ചത്. ഫ്‌ളവേഴ്‌സ് ടി.വിയിലെ സ്റ്റാർ മാജിക്(ടമാർ പടാർ) എന്ന ആദ്യ സീസണിലൂടെയാണ് ഏറെ ശ്രദ്ധിക്കപ്പെട്ടത്.