പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്‍ത ‘ഹൃദയ’ത്തിൻറെ ടീസർ കഴിഞ്ഞ ദിവസം മോഹൻലാൽ തന്റെ ഫേസ്‍യ്ബുക്കിലൂടെ ലോഞ്ച് ചെയ്തിരുന്നു. സിനിമയിലെ നായികമാരിൽ ഒരാളായ ദർശനയുടെ പേര് ഉൾപ്പെടുത്തിയുള്ള ദർശനയെന്ന ​ഗാനം മലയാളി പ്രേക്ഷകർ നെഞ്ചിലേറ്റി കഴിഞ്ഞു. ഇതിന് പിന്നാലെയാണ് ഹൃദയ’ത്തിൻറെ ടീസർ പുറത്തുവന്നിരിക്കുന്നത്. ഏറെ സസ്പെൻസുകൾ നിറഞ്ഞൊരു സിനിമായാണ് ഇതെന്ന് തുറന്നു പറയുന്നതാണ് ഇതിന്റെ ടീസർ. ‌‌

ദർശന എന്ന പാട്ടിൽ പ്രണവിവും ദർശന രാജേന്ദ്രനുമാണ് കഥാപാത്രങ്ങളായി ഉണ്ടായിരുന്നതെങ്കിൽ ടീസറിൽ കല്യാണി പ്രിയദർശൻ അവതരിപ്പിക്കുന്ന കഥാപാത്രവും ഉണ്ടെന്നുള്ളതാണ് പ്രത്യേകത. ക്യാമ്പസ് പ്രണയമാണ് സിനിമയുടെ പശ്ചാത്തലം എന്ന് ആദ്യ പാട്ടിൽ തന്നെ പ്രേക്ഷകർക്ക് ഏറെ കുറേ മനസിലായിരുന്നു.

എന്നാൽ ടീസറിൽ കല്യാണി പ്രിയ ദർശൻ കൂടി എത്തുന്നതോടെ കഥയിൽ ചില സസ്പെൻസുകൾ നിറയുകയാണ്. തന്റെ മുൻ കാല പ്രണയത്തെകുറിച്ച് കല്യാണി പ്രിയ ദർശനോട് പ്രണവ് മോഹൻലാൽ തുറന്നു പറയുന്നി‌ത്ത് ടീസർ അവസാനിക്കുകയാണ്.

ജേക്കബിൻറെ സ്വർഗ്ഗരാജ്യം പുറത്തിറങ്ങി അഞ്ച് വർഷത്തിനു ശേഷമാണ് വിനീത് ശ്രീനിവാസൻ മറ്റൊരു ചിത്രവുമായി എത്തുന്നത്. സംഗീതത്തിന് ഏറെ പ്രാധാന്യമുള്ള ചിത്രത്തിൻറെ സംഗീത സംവിധായകൻ ഹിഷാം അബ്‍ദുൾ വഹാബ് ആണ്. 15 പാട്ടുകളാണ് ചിത്രത്തിൽ ഉൾപ്പെടുത്തിയിരിക്കുന്നത്. ‘ഇരുപത്തിയൊന്നാം നൂറ്റാണ്ടി’നു ശേഷം പ്രണവ് മോഹൻലാൽ നായകനാവുന്ന ചിത്രവുമാണ് ഹൃദയം.മെറിലാൻഡ് സിനിമാസിൻറെ ബാനറിൽ വിശാഖ് സുബ്രഹ്മണ്യമാണ് നിർമ്മാണം.