പ്രേക്ഷകഹൃദയങ്ങൾ കീഴടക്കിയ ഹിറ്റ് ചിത്രമാണ് മോഹൻലാൽ നായകനായും, ഉർവശി നായികയായും തകർത്തഭിനയിച്ച മിഥുനം. ഈ ചിത്രം ഇറങ്ങിയിട്ട് 28 വർഷങ്ങൾ കഴിഞ്ഞിരിക്കുകയാണ്. ഈ ചിത്രത്തിന് ശേഷം ഒരു തമിഴ് ചിത്രത്തിന് വേണ്ടി ഉർവശിയും പ്രിയദർശനും വീണ്ടും ഒന്നിക്കുകയാണ്. 'അപ്പാത എന്ന തമിഴ് ചിത്രത്തിന് വേണ്ടിയാണ് ഇരുവരും വീണ്ടും ഒന്നിക്കുന്നത്. സിനിമാ ലൊക്കേഷനില്‍ നിന്നുള്ള ചിത്രം പങ്കുവച്ച് പ്രിയദര്‍ശന്‍ തന്നെയാണ് ഇക്കാര്യം അറിയിച്ചത്.

ഉര്‍വശിയുടെ 700മത്തെ ചിത്രം കൂടിയാണിത്. “മിഥുന’ത്തിന് ശേഷം ഏറെ നാളുകൾക്ക് ശേഷം നടന്ന ഒത്തുചേരൽ! വരാനിരിക്കുന്ന തമിഴ് ചിത്രമായ ‘അപ്പാത്ത’യിൽ വീണ്ടും ഒന്നിക്കുന്നു! ഉർവ്വശിയുടെ 700-ാം ചിത്രം കൂടിയാണ് അത്,” എന്നാണ് പ്രിയദർശൻ ഉർവശിക്കൊപ്പമുള്ള ചിത്രം പങ്കുവച്ച് കുറിച്ചത്. 1993ലാണ് മോഹൻലാൽ- പ്രിയദർശൻ കൂട്ടുകെട്ടിൽ മിഥുനം പുറത്തിറങ്ങിയത്. ഇന്നും മലയാളികളുടെ പ്രിയ സിനിമകളിൽ ഒന്ന് തന്നെയാണ് ഈ ചലച്ചിത്രം. സേതുവിൻറെ ജീവിതനെട്ടോട്ടമാണ് മിഥുനം എന്ന സിനിമ. സിനിമ അന്ന് വൻ വിജയമായിരുന്നു.

പ്രിയദർശന്റെ സംവിധാനത്തിൽ മോഹൻലാൽ, ശ്രീനിവാസൻ, ഇന്നസെന്റ്, ഉർവശി എന്നിവർ പ്രധാനവേഷങ്ങളിൽ അഭിനയിച്ച ചിത്രം പറഞ്ഞത് ഒരു കുടുംബകഥയായിരുന്നു. ഉർവ്വശിയും മോഹൻലാലും തകർത്തഭിനയിച്ച പ്രേക്ഷകഹൃദയങ്ങൾ കവർന്ന ചിത്രം, സേതു മാധവനും സുലോചനയും ദാക്ഷായണി ബിസ്ക്റ്റ്സുമൊക്കെ ഇന്നും മലയാളികളുടെ നിത്യ ജീവിതത്തിൽ കടന്നുവരുന്ന കഥാപാത്രങ്ങളാണ്. കുടുംബപശ്ചാത്തലത്തിൽ വിരിഞ്ഞ സാമൂഹ്യപ്രസക്തി കൂടിയുള്ള ഒരുചിത്രം കൂടിയായിരുന്നു മിഥുനം.