ഗംഭീര ലുക്കിൽ മണിക്കുട്ടൻ, ഇത് മരക്കാറിലെ മായിൻകുട്ടി, ഓണ്ലൈനില് തരംഗമായി ചിത്രം
മരക്കാര്, അറബിക്കടലിന്റെ സിംഹം എന്ന ചിത്രത്തിനായി മലയാള സിനിമ പ്രേക്ഷകർ കാത്തിരിപ്പിലാണ്. ചിത്രം റിലീസ് ചെയ്യുന്നത് സംബന്ധിച്ച പ്രശ്നങ്ങൾക്കൊടുവിൽ ഡിസംബർ 2 ഓടെ ചിത്രം റിലീസ് ചെയ്യുമെന്ന വാർത്ത ഇരുകൈയ്യും നീട്ടി ആരാധകർ സ്വീകരിച്ചിരുന്നു.
പ്രിയദര്ശന്റെ സംവിധാനത്തിലുള്ള ചിത്രം ഒടിടിയിലേക്ക് എന്ന് ആദ്യം ആശങ്കകളുണ്ടായെങ്കിലും ഒടുവില് തീയേറ്ററുകളിലേക്ക് എത്തുകയാണ്.
ഇതോടെ ചിത്രത്തെ കുറിച്ചുള്ള ഓരോ വിശേഷങ്ങളും ഓണ്ലൈനില് തരംഗമാകുകയാണ്. ഇപ്പോഴിതാ ചിത്രത്തില് അഭിനയിക്കുന്ന മണിക്കുട്ടന്റെ ഫോട്ടോയാണ് സോഷ്യൽ മീഡിയ ഏറ്റെടുത്തിരിക്കുന്നത്.
മായിൻകുട്ടി എന്ന കഥാപാത്രമായിട്ടാണ് താരം ചിത്രത്തില് അഭിനയിക്കുന്നത്. ഗംഭീര ലുക്കിലാണ് ചിത്രത്തിന്റെ ഫോട്ടോയില് മണിക്കുട്ടനെ കാണാനാകുന്നത്. ബിഗ് ബോസ് വിജയി ആയതിന് ശേഷം വൻ ഫാൻ ബേസ് ഉള്ള താരമാണ് മണിക്കുട്ടൻ.
ഐഎംഡിബിയില് ഏറെ പ്രതീക്ഷയോടെ കാത്തിരിക്കുന്ന പുതിയ ഇന്ത്യൻ സിനിമകളും ഷോകളും എന്ന വിഭാഗത്തില് മരക്കാര് അറബിക്കടലിന്റെ സിംഹം ഒന്നാമതെത്തിയിരുന്നു. ഹൈദരാബാദിലാണ് ചിത്രം പ്രധാനമായും ഷൂട്ട് ചെയ്തത്.
ആശിര്വാദ് സിനിമാസിന്റെ ബാനറില് ആന്റണി പെരുമ്പൂവാരാണ് ചിത്രം നിര്മിക്കുന്നത്. അര്ജുൻ, സുനില് ഷെട്ടി, പ്രഭു, മഞ്ജു വാര്യര്, കീര്ത്തി സുരേഷ്, പ്രണവ് മോഹൻലാല്, മുകേഷ്, നെടുമുടി വേണു തുടങ്ങി ഒട്ടേറെ പേര് ചിത്രത്തിലെത്തുന്നു. തിരുവാണ് ഛായാഗ്രാഹകൻ. സംവിധായകൻ പ്രിയദര്ശനും അനി ഐ വി ശശിയും ചേര്ന്ന് തിരക്കഥ എഴുതിയിരിക്കുന്നു.
മരക്കാര്, അറബിക്കടലിന്റെ സിംഹമെന്ന ചിത്രത്തിന്റെ എഡിറ്റിംഗ് നിര്വഹിക്കുന്നത് എം എസ് അയ്യപ്പൻ നായരാണ്. ദേശീയ ചലച്ചിത്ര അവാര്ഡില് മികച്ച ചിത്രമായി മരക്കാര്: അറബിക്കടലിന്റെ സിംഹം തെരഞ്ഞെടുക്കപ്പെട്ടിരുന്നു.
https://www.facebook.com/Malayalivartha
