കുടുംബവിളക്ക് സീരിയലിലൂടെ ആരാധികമാരുടെ മനസിൽ കയറിക്കൂടിയ താരമാണ് നൂബിൻ ജോണി. ഇടുക്കിയില്‍ നിന്ന് വന്ന് പ്രേക്ഷകരുടെ ഇഷ്ടം നേടി എടുത്ത താരത്തിന് പ്രണയമുണ്ടോ, ഉണ്ടെങ്കിൽ അതാരാണെന്നൊക്കെ അറിയാൻ എല്ലാവർക്കും അതിയായ ആഗ്രഹമുണ്ട്.

ഇടയ്ക്ക് പരമ്പരയിലെ അമൃത നായരുമായി നൂബിൻ പ്രണയത്തിലാണെന്നൊക്കെയുള്ള വാർത്തകൾ പ്രചരിച്ചിരുന്നു. ആ സമയത്ത് താൻ അമൃതയുമായി പ്രണയത്തിൽ അല്ല എന്ന് നടൻ വെളിപ്പെടുത്തിയിരുന്നു. താന്‍ പ്രണയത്തിലാണ്, പെണ്‍കുട്ടി മറ്റൊരാള്‍ ആണെന്നും നൂബിൻ അന്ന് പറഞ്ഞിരുന്നു.

ഇപ്പോഴിതാ, നൂബിൻ പ്രണയിനിയെ കുറിച്ചും, വിവാഹത്തെക്കുറിച്ചും വെളിപ്പെടുത്തിയിരിക്കുകയാണ്. വിവാഹത്തെ കുറിച്ച് അറിയാന്‍ ആകാംഷയോടെ കാത്തിരിക്കുന്ന ആരാധകർക്ക് തികച്ചുമൊരു സന്തോഷവാർത്തയാണിത്. കോട്ടയം സ്വദേശ്വിനിയായ ഒരു ഡോക്ടറാണ് തന്റെ കാമുകി എന്നാണ് താരമിപ്പോള്‍ പറയുന്നത്.

സ്വാസിക വിജയ് അവതാരകയായിട്ടെത്തുന്ന റെഡ് കാര്‍പെറ്റില്‍ പങ്കെടുത്ത് സംസാരിക്കുകയായിരുന്നു നുബിന്‍. സത്യ എന്ന പെണ്‍കുട്ടിയായി അഭിനയിച്ച നടി നീനുവും നുബിനൊപ്പം എത്തിയിരുന്നു. ആറ് മാസത്തിനുള്ളില്‍ തന്റെ വിവാഹമുണ്ടാവും എന്നാണ് അവതാരകയുടെ ചോദ്യത്തിന് നുബിന്‍ മറുപടിയായി പറഞ്ഞിരിക്കുന്നത്.

തന്നെ കണ്ടാല്‍ ഷൈന്‍ ടോം ചാക്കോയെ പോലെയുണ്ടെന്ന് കുറേ പേര്‍ പറഞ്ഞിട്ടുണ്ടെന്നും നൂബിൻ പറയുന്നുണ്ട്. ലൊക്കേഷനില്‍ വന്നപ്പോഴും അങ്ങനെയുള്ള കമെന്റുകൾ താരത്തിന് കിട്ടിയിരുന്നു. പക്ഷേ ത നിക്ക് അങ്ങനെ തോന്നിയിട്ടില്ലെന്നാണ് പറയുന്നത്.

സൂര്യയിലാണ് താൻ ആദ്യമായിട്ടൊരു വര്‍ക്ക് ചെയ്യുന്നത്. ബോബന്‍ ചേട്ടന്റെ അനിയനായി ഒരാളെ വേണം. എന്റെ ഭാഗ്യത്തിന് അവിടെ ആരും ഉണ്ടായിരുന്നില്ല. അവര്‍ക്ക് വേറെ നിവൃത്തി ഇല്ലാത്തത് കൊണ്ട് എന്നെ എടുക്കേണ്ടി വന്നു. ഉച്ച കഴിഞ്ഞപ്പോഴെക്കും വേറൊരുത്തന്‍ വന്നു. അവന്‍ ആണെങ്കില്‍ ഒടുക്കത്തെ അഭിനയവും.

ഞാന്‍ ആണെങ്കില്‍ റോബര്‍ട്ട് നില്‍ക്കുന്നത് പോലെ ഒരു അനക്കവുമില്ലാതെ നില്‍ക്കും. ഒറ്റയടിക്ക് നിര്‍ത്താതെ ഡയലോഗ് പറഞ്ഞ് തീര്‍ക്കും. ഡയലോഗ് കാണുമ്പോള്‍ നെഞ്ചിലൊരു വിങ്ങലായിരുന്നു. പിന്നെ അവര്‍ പഠിപ്പിച്ച് എല്ലാം ശരിയായി. ഇപ്പോള്‍ ഡയലോഗ് ഇല്ലെങ്കില്‍ ആണ് വിഷമം. അത്രയും നേരം സ്‌ക്രീനില്‍ ഉണ്ടാവുമല്ലോ എന്നും നുബിന്‍ പറയുന്നു. അതേ സമയം നാല് വര്‍ഷത്തെ പ്രണയം എവിടെ വരെ എത്തി എന്ന് ചോദിച്ച സ്വാസികയുടെ ചോദ്യത്തിന് വിവാഹം വൈകാതെ ഉണ്ടാവുമെന്നാണ് താരം വ്യക്തമാക്കുന്നത്.

എന്റെ പ്രണയം ഏകദേശം മൂന്നാല് മാസങ്ങള്‍ക്ക് ശേഷം വിവാഹമായേക്കും. കോട്ടയത്താണ് പെണ്‍കുട്ടിയുടെ വീട്. ആന്റിയുടെ വീടിന്റെ അടുത്താണ് അവളുടെയും വീട്. വെക്കേഷന് പോയപ്പോള്‍ കണ്ടുമുട്ടിയതാണ്. പുള്ളിക്കാരിയാണ് ഇപ്പോള്‍ എനിക്ക് ഏറ്റവും വലിയ സപ്പോര്‍ട്ട് തരുന്നത്. ഒരു സിനിമ ചെയ്യണമെന്നൊക്കെയുള്ളത് എന്നെക്കാളും അവളുടെ ആഗ്രഹമാണ്.

അങ്ങനെ ചെയ്യൂ, ഇങ്ങനെ ചെയ്യൂ എന്നെല്ലാം എപ്പോഴും പറയും. അഭിനയത്തിലേക്ക് വരുന്നതിന് മുന്‍പ് തന്നെ പ്രണയിച്ച് തുടങ്ങിയവരാണ് ഞങ്ങള്‍. എംബിബിഎസ് കഴിഞ്ഞ് നില്‍ക്കുന്ന പുള്ളിക്കാരി ഒരു ഡോക്ടറാണ്.

താന്‍ എല്‍എല്‍ബി പഠിക്കാന്‍ പോയ കഥയും നുബിന്‍ പങ്കുവെച്ചിരുന്നു. പഠിക്കാന്‍ പോയതേ ഉള്ളു. പഠനം കഴിഞ്ഞിട്ടില്ല. ഡിസ്റ്റന്‍സ് ആയിട്ടാണ് പഠിച്ചത്. പരീക്ഷ വരുമ്പോള്‍ സീരിയലിന്റെ ഷൂട്ടിങ്ങുമൊക്കെ ആയി മുടങ്ങി പോവും. മുന്നോട്ട് പഠിച്ച് തീര്‍ക്കണമെന്നാണ് ആഗ്രഹമെന്നും താരം പറഞ്ഞു.