ചട്ടക്കാരി,വലിയങ്ങാടി തുടങ്ങിയ മലയാള ചിത്രങ്ങളിൽ നായികയായി അഭിനയിച്ച താരമാണ് ഷംന കാസിം. പക്ഷേ മലയാളത്തിൽ കൂടുതൽ അവസരങ്ങൾ ഷംനയെ തേടിയെത്തിയില്ല. തെന്നിന്ത്യൻ സിനിമയിലെ താരസുന്ദരി ഷംന കാസിമിന്റെ വെളിപ്പെടുത്തൽ ഇപ്പോൾ വളരെ ശ്രദ്ധേയമാകുന്നു.

ജീത്തു ജോസഫിന്റെ മലയാളം സിനിമകളിൽ തനിക്ക് അവസരം നഷ്ടമായത് എങ്ങനെയെന്ന് വെളിപ്പെടുത്തിയിരിക്കുകയാണ് ഷംന കാസിം. തെലുങ്കിൽ ദൃശ്യം 2വിൽ അഡ്വക്കേറ്റിന്റെ വേഷം ചെയ്തത് ഷംനയായിരുന്നു .ആ സിനിമയിൽ അഭിനയിച്ചപ്പോൾ ജിത്തു സാറിനോട് താൻ ചോദിച്ചു എന്താണ് മലയാളം സിനിമകളിൽ തന്നെ വിളിക്കാത്തതെന്ന് .

അന്ന് അദ്ദേഹം പറഞ്ഞ മറുപടി ഇങ്ങനെയായിരുന്നു ഒരിക്കൽ ഒരു റോളിന് വേണ്ടി ഷംനയെ കുറിച്ച് അന്വേഷിച്ചു.അപ്പോൾ ലഭിച്ച വിവരം ഷംനയുടെ പ്രതിഫലം കൂട്ടി, ഡേറ്റ് ഇപ്പോൾ ഇല്ല എന്നൊക്കെയായിരുന്നു. അതുകൊണ്ടാണ് പിന്നീട് മറ്റൊരാളെ സമീപിച്ചത്. എന്നാൽ യഥാർത്ഥത്തിൽ തന്നോട് ആരും ഇത്തരത്തിൽ ഒരു കാര്യം ചോദിച്ചിരുന്നില്ല.

എനിക്ക് എന്താണ് മലയാളത്തിൽ അവസരം ലഭിക്കാത്തത് എന്ന് ദൈവത്തിന് മാത്രമെ അറിയൂവെന്നും ഷംന പറയുന്നു.മലയാളത്തിൽ മമ്മൂട്ടിക്കും മോഹൻലാലിനും ഒപ്പമൊക്കെ അഭിനയിച്ചിട്ടുണ്ട് . ഷംന കാസിമിനെ തമിഴകത്ത് ചിന്ന അസിൻ എന്നാണ് വിളിക്കുന്നത് .

ദളപതി വിജയ് പോലും തന്നെ ചിന്ന അസിൻ എന്ന് വിളിക്കാറുണ്ടെന്ന് ഷംന വെളിപ്പെടുത്തിയിട്ടുണ്ട്. ജയലളി തയുടെ ജീവിതകഥ പറഞ്ഞ തലൈവി എന്ന ചിത്രത്തിൽ താരം അഭിനയിച്ചു . ജയലളിതയുടെ ഉറ്റതോഴിയായ ശശികലയുടെ വേഷമാണ് ഷംന അവതരിപ്പിച്ചത്.

ഇപ്പോൾ നടിയെന്ന നിലയിൽ മാത്രമല്ല നർത്തകിയായും തെന്നിന്ത്യൻ പ്രേക്ഷകർക്ക് ഏറെ പരിചിതയാണ്. 2004ൽ മഞ്ഞു പോലൊരു പെൺകുട്ടി എന്ന സിനിമയിലൂടെ സിനിമാ ലോകത്ത് അരങ്ങേറ്റം കുറിച്ച താരം എല്ലാ തെന്നിന്ത്യൻ ഭാഷകളിലുമുള്ള സിനിമകളുടെ ഭാഗമായി കഴിഞ്ഞിട്ടുണ്ട്.17 വർഷമായി കലാരംഗത്ത് നിറഞ്ഞു നിൽക്കുകയാണ് ഷംന.