തമ്പിയുടെ ഒരു അടവും ഇനി നടക്കാൻ പോകുന്നില്ല; തകർപ്പൻ ഡയലോഗുമായി ഹരി. അനിയനെ ചേർത്ത് പിടിക്കാനൊരുങ്ങി സാന്ത്വനം കുടുംബം
കൂടുമ്പോൾ ഇമ്പമുള്ളതാണല്ലോ കുടുംബം, സാന്ത്വനം വീട്ടിൽ നിന്നും നമുക്ക് ഓരോരുത്തർക്കും അത് വ്യക്തമായി കാണാനും കഴിയും. ബാലനേയും ദേവിയേയും ഇവരുടെ സഹാദരന്മാരേയും ഭാര്യമാരേയും ഇന്ന് മലയാളികൾ നെഞ്ചിലേറ്റിയിരിക്കുകയാണ്.
ടെലിവിഷനിൽ സംപ്രേഷണം ചെയ്യുന്ന മലയാളം സീരിയലുകളിൽ ഏറ്റവും കൂടുതൽ ആരാധകരുള്ള സീരിയൽ കൂടിയാണ് സാന്ത്വനം. പതിവ് കണ്ണീർ സീരിയലുകളുടെ രീതിയല്ല സാന്ത്വനം സീരിയലിന് വേണ്ടി അണിയറപ്രവർത്തകർ ഉപയോഗിച്ചിരിക്കുന്നത്. അത് തന്നെയാണ്, ഇതിനെ മറ്റുള്ള സീരിയലുകളിൽ നിന്നും വ്യത്യസ്തനാക്കുന്നത്.
സാന്ത്വനം സീരിയലിൽ ഇപ്പോൾ, മരുമകൻ ഹരിയുടെയും അമ്മായിയപ്പൻ തമ്പിയുടെയും കാഴ്ചകളാണ് കൂടുതലായും ഉള്ളത്. മകളെയും മരുമകനെയും കൂടെ നിർത്തി സൽക്കരിക്കുന്നതിനൊപ്പം, പഴയ വൈരാഗ്യം ഉള്ളിൽവെച്ച് സാന്ത്വനത്തിലെ അംഗങ്ങളോടുള്ള പകവീട്ടൽ എന്നോണം ഹരിയെ തന്നോടൊപ്പം നിർത്തി തന്റെ ചൊൽപടിക്ക് കൊണ്ടുവരാനുള്ള ശ്രമത്തിലാണ് തമ്പി.
അപ്പുവിന്റെ വാശിയിലാണ്, ഹരി അമരാവതിയിലേക്ക് പോയത്, എന്നാൽ, തമ്പി തന്നെ അവിടെ പിടിച്ച് നിർത്താനുള്ള ശ്രമങ്ങളാണ് നടത്തുന്നതെന്ന് മനസിലാക്കിയ ഹരി എല്ലാവരുടേയും കണ്ണുവെട്ടിച്ച് സാന്ത്വനത്തിലേക്ക് തിരികെ എത്തുകയും അവിടെ നടക്കുന്ന സംഭവങ്ങളെ കുറിച്ച് സാന്ത്വനത്തിലെ അംഗങ്ങളോട് പറയുകയും ചെയ്തിരുന്നു.
വീർപ്പുമുട്ടിയാണ് താൻ തമ്പിക്കൊപ്പം കഴിയുന്നത് എന്ന് അപ്പുവിനോട് ഹരി പലപ്പോഴും പറയുന്നുണ്ടെങ്കിലും അച്ഛനും അമ്മയ്ക്കും ഒപ്പം നിൽക്കാനുള്ള ആഗ്രഹം മൂലം അപ്പു സാന്ത്വനത്തിലേക്ക് തിരികെ പോകാൻ തയ്യാറാകുന്നില്ല. സാന്ത്വനം വീടിന്റെ കുറ്റങ്ങൾ ഓരോന്നായി എണ്ണിയെണ്ണി പറഞ്ഞ് കുറ്റപ്പെടുത്താൻ ശ്രമിച്ചപ്പോൾ സാന്ത്വനത്തിലെ ബാലന്റെ അനിയൻ എന്ന പേരിന് കളങ്കം വരാതെ തമ്പിക്ക് എതിരെ സംസാരിക്കുകയും ചെയ്തിരുന്നു ഹരി.
സാന്ത്വനത്തിലെ അംഗങ്ങളെ കുറ്റപ്പെടുത്തിയപ്പോൾ അപർണയും അച്ഛനായ തമ്പിക്ക് നേരെ തിരിഞ്ഞു. ഇഷ്ടപ്പെട്ട പുരുഷനെ വിവാഹം ചെയ്തതിന്റെ പേരിൽ അച്ഛൻ ഉപേക്ഷിച്ചപ്പോഴും ഒരു കുറവും വരുത്താതെ തന്നെ നോക്കിയതും സ്നേഹിച്ചതും സാന്ത്വനത്തിലെ അംഗങ്ങളാണെന്നും അപ്പു പറഞ്ഞിരുന്നു. ഹരിയേയും അനിയന്മാരേയും തെറ്റിക്കാനുള്ള തമ്പിയുടെ ശ്രമങ്ങളെല്ലാം പാഴാവുകയാണ്.
മരുമകനെ തനിക്കൊപ്പം നിർത്താൻ പുതിയ അടവുകൾ പരീക്ഷിക്കുകയാണ് തമ്പി. സീരിയലിൽ ഏറ്റവും കൂടുതൽ ആരാധകരുള്ള ജോഡിയായ ശിവനും അഞ്ജലിയും ജീവിതം ആസ്വദിച്ച് പ്രണയം കൈമാറി കഴിയുകയാണ്. സാന്ത്വനം പ്രേക്ഷകരിൽ ഏറെയും ശിവൻ-അഞ്ജലി പ്രണയത്തിന്റെ ആരാധകരാണ്.
ശിവൻ-അഞ്ജലി കോമ്പോ തന്നെയാണ് സാന്ത്വനത്തിന്റെ വിജയത്തിന് ഏറ്റവും കൂടുതൽ കാരണമാകുന്നത്. ഏഷ്യാനെറ്റിൽ സംപ്രേഷണം ചെയ്യുന്ന സീരിയലുകളിൽ ഏറ്റവും കൂടുതൽ റേറ്റിങ് ഉള്ളതും സാന്ത്വനത്തിന് തന്നെയാണ്.
പിണക്കും ഇഷ്ടക്കേടും മാറി ശിവാഞ്ജലി കോമ്പോ പ്രണയിച്ച് തുടങ്ങിയപ്പോൾ മുതലാണ് കുടുംബവിളക്ക് സീരിയലിനെ പോലും പിന്നിലാക്കി റേറ്റിങിൽ ഒന്നാം സ്ഥാനത്തേക്ക് സാന്ത്വനം കുതിച്ചത്. 2020ൽ ആരംഭിച്ച സീരിയൽ 330 എപ്പിസോഡുകളോട് അടുക്കുകയാണ്. തമിഴ് സീരിയലായ പാണ്ഡ്യൻ സ്റ്റോഴ്സിന്റെ മലയാളം റീമേക്കാണ് വിജയകരമായി സംപ്രേഷണം തുടരുന്ന സാന്ത്വനം.
https://www.facebook.com/Malayalivartha