സിനിമാ താരങ്ങളേക്കാൽ എല്ലായിപ്പോഴും ആരാധക പിന്തുണ ഏറെയുള്ളത് സീരിയൽ താരങ്ങൾക്കാണ്. എന്നും കാണുന്നതുകൊണ്ടുതന്ന പ്രേക്ഷകരുടെ വീട്ടിലെ ഒരു അംഗത്തെപ്പോലെ സീരിയൽ താരങ്ങൾ മലയാളി മനസ്സുകളിൽ ഇടം പിടിക്കും. അതിന്റെ ഒരു വലിയ തെളിവാണ് ഇപ്പോൾ പൂക്കാലം വരവായി സീരിയലിലോടോടെയും തുമ്പപ്പൂ സീരിയലിലൂടെയും കുടുംബപ്രേക്ഷകരുടെ പ്രിയപ്പെട്ടവളായി മാറിയ മൃദുല വിജയ്.

മിനിസ്‌ക്രീനില്‍ ലേഡീസൂപ്പര്‍സ്റ്റാര്‍ എന്നൊക്കെ വിളിക്കാവുന്ന നായികയാണ് മൃദുല . ഫാന്‍സിന്റെ കാര്യത്തില്‍ മറ്റ് നടിമാരെ എല്ലാം കടത്തി വെട്ടുന്ന ലിസ്റ്റാണ് മൃദുലയ്ക്കുള്ളത്. അതും ഒരുപിടി നല്ല സീരിയലുകളിലൂടെ നേടിയെടുത്തതാണ്.

നടന്‍ യുവകൃഷ്ണയുമായിട്ടുള്ള മൃദുലയുടെ വിവാഹം വാർത്തയായപ്പോഴാണ് താരത്തിന്റെ ആരാധക പിന്തുണ പുറം ലോകമറിഞ്ഞത്. വിവാഹശേഷവും സീരിയലിൽ സജീവമാണ് താരം. പുതിയ സീരിയലില്‍ നായികയായി അഭിനയിച്ച് മൃദുല എത്തിയപ്പോൾ മുൻപ് ഉണ്ടായിരുന്നതിലും പിന്തുണ ഏറിയിട്ടുണ്ട്..

ഇതിനിടെ ആരാധകര്‍ക്ക് നന്ദി പറഞ്ഞ് കൊണ്ട് എത്തിയ നടിയുടെ വീഡിയോ ആണ് വൈറലാവുന്നത്. മൃദുലയുടെ കരിയര്‍ തുടങ്ങിയിട്ട് പത്ത് വര്‍ഷമായി എന്ന് സൂചിപ്പിക്കുന്ന വീഡിയോ ആരാധകര്‍ പങ്കുവച്ചതും അത് വൈറലായതുമാണ് മൃദുലയുടെ ലൈവ് വീഡിയോയ്ക്ക് പിന്നിലെ കാര്യം. അത് കണ്ടതിന് ശേഷം നന്ദിയുമായിട്ടാണ് നടി വന്നത്.

'ഞാന്‍ ഫീല്‍ഡില്‍ എത്തിയിട്ട് പത്ത് വര്‍ഷമായി എന്ന് പറയുന്ന ഒരുപാട് വീഡിയോയും ഫോട്ടോസുമൊക്കെ കഴിഞ്ഞ ദിവസങ്ങളില്‍ പ്രചരിച്ചിരുന്നു. ഞാനും അത് കണ്ടിട്ടാണ് പത്ത് വര്‍ഷമായി ഇന്‍ഡസ്ട്രിയില്‍ വന്നിട്ടെന്ന് അറിയുന്നത്. സീരിയല്‍ മാത്രമല്ല, സിനിമയും ചെയ്തിട്ട് പത്ത് വര്‍ഷമായി. ഒരുപാട് സന്തോഷമുണ്ട്. ഇപ്പോഴാണ് ഞാന്‍ ആ വീഡിയോ കണ്ടത്. എനിക്ക് വേണ്ടി എത്രത്തോളം കഷ്ടപ്പെട്ടിട്ടാണ് ആ വീഡിയോ ചെയ്തിരിക്കുന്നതെന്ന് കാണുമ്പോള്‍ മനസിലാവും. അത് കണ്ടിട്ട് എന്റെ കണ്ണും മനസും ഒരുപോലെ നിറഞ്ഞു.

ഇങ്ങനൊരു വീഡിയോ ഞാനൊട്ടും പ്രതീക്ഷിച്ചിരുന്നില്ല. ഞാന്‍ അഭിനയിച്ച സമയം മുതലുള്ള എല്ലാ സിനിമകളില്‍ നിന്നും സീരിയലുകളില്‍ നിന്നുമൊക്കെയുള്ള ഓരോ ഭാഗങ്ങള്‍ കട്ട് ചെയ്ത് എടുത്ത് കറക്ടായി തന്നെ നിങ്ങള്‍ ഇട്ടിട്ടുണ്ടായിരുന്നു. എനിക്ക് സത്യം പറഞ്ഞാല്‍ എനിക്ക് പറയാന്‍ ഒന്നും കിട്ടുന്നില്ല. ഈ വീഡിയോ എങ്കിലും ഇട്ടിട്ടില്ലെങ്കില്‍ അത് കുറഞ്ഞ് പോകുമെന്ന് തോന്നിയത് കൊണ്ടാണ് വന്നത്. എന്റെ ഓരോ ഫാന്‍സ് പേജും നിങ്ങളതില്‍ മെന്‍ഷന്‍ ചെയ്തത് ഞാന്‍ എണ്ണുകയായിരുന്നു.

പേര് ജസ്റ്റ് വായിച്ച് പോകാനെ എനിക്ക് പറ്റിയിട്ടുള്ളു. ഞാന്‍ റിപ്ലേ പോലും കൊടുക്കാത്ത ഒരുപാട് ഫാന്‍സ് പേജുകള്‍ എന്നെ ഫോളോ ചെയ്യുന്നുണ്ട്. അതെനിക്കും അറിയാം. എന്റെ അടുത്ത് നിന്ന് ഒന്നും പ്രതീക്ഷിച്ചിട്ടല്ല, നിങ്ങള്‍ ഓരോന്നും ചെയ്യുന്നത്. നിങ്ങള്‍ക്ക് എന്നെ ഇഷ്ടമായത് കൊണ്ട് മാത്രമാണ് എനിക്കങ്ങനെ സപ്പോര്‍ട്ട് നല്‍കുന്നത്. എത്ര നന്ദി പറഞ്ഞാലും മതിയാകില്ല. അത് കണ്ടപ്പോള്‍ ഒത്തിരി സന്തോഷമായി. എണ്ണി നോക്കിയപ്പോള്‍ ഏകദേശം നാല്‍പ്പത്തിമൂന്നോളം ഫാന്‍സ് പേജുകള്‍ കണ്ടു. അത് കുറവാണോ കൂടുതലാണോ എന്നൊന്നും അറിയില്ല.

എല്ലാവര്‍ക്കും നന്ദി. എന്നെ ഒരുപാട് സപ്പോര്‍ട്ട് ചെയ്യുന്നുണ്ട്. ഞാന്‍ മറുപടി കൊടുക്കാത്തവര്‍ പോലും എനിക്ക് സപ്പോര്‍ട്ട് തരുന്നുണ്ട്. ഇതില്‍ കൂടുതലൊന്നും പറയാനില്ല. ഞാന്‍ എവിടെ പോയാലും താരങ്ങളും അല്ലാത്തവരുമൊക്കെ ഒരുപാട് ഫാന്‍സ് ഫോളോ ഉള്ള ആളാണ് മൃദുല എന്ന് പറയാറുണ്ട്. അങ്ങനെ ഒക്കെ എത്തിച്ചത് നിങ്ങളാണ്. എന്റെ മനസ് നിറഞ്ഞിട്ടാണ് ഞാനിത് പറയുന്നത്. ഇത്രയും കാലം കൂടെ നിന്നതിന് ഒരുപാട് സന്തോഷം. ഇനിയും കൂടെ തന്നെ നില്‍ക്കണം. എന്നും മൃദുല പറയുന്നു.

2015 ല്‍ കല്യാണ സൗഗന്ധികം എന്ന സീരിയലില്‍ ആയിരുന്നു മൃദുല ആദ്യം അഭിനയിക്കുന്നത്. പിന്നീട് കൃഷ്ണതുളസി, ഭാര്യ, പൂക്കാലം വരവായ്, തുമ്പപ്പൂ എന്നിങ്ങനെ നിരവധി സീരിയലുകളില്‍ നായികയായി അഭിനയിച്ചു. പൂക്കാലം വരവായി എന്ന സീരിയലിൽ അഭിനയിക്കുന്നതിനിടയിലാണ് താരം വിവാഹിതയായത്. ശേഷം ഇപ്പോൾ തുമ്പപ്പൂ എന്ന സീരിയലിൽ വേഷമിടുന്നു.