ആറു ദിവസത്തേയ്ക്ക് ക്ഷേത്രവഴി അടച്ച് വിവാഹ ഒരുക്കങ്ങള് : കത്രീന കൈഫ് -വിക്കി കൗശല് വിവാഹത്തിനെതിരെ പരാതിയുമായി അഭിഭാഷകൻ രംഗത്ത്
ജനപ്രിയ ബോളിവുഡ് അഭിനേതാക്കളായ വിക്കി കൗശലിന്റെയും കത്രീന കൈഫിന്റെയും വിവാഹത്തിനെതിരെ പരാതി . രാജസ്ഥാനില് നിന്നുള്ള അഭിഭാഷകനാണ് ഇരുവരുടെയും വിവാഹ ഒരുക്കങ്ങള്ക്കെതിരെ പരാതി നല്കിയിരിക്കുന്നത് .
ചൗത്ത് മാതാ ക്ഷേത്രത്തിലേക്കുള്ള വഴി തടഞ്ഞാണ് ഇരുവരുടെയും വിവാഹ ഒരുക്കങ്ങള് നടക്കുന്നതെന്ന് കാട്ടിയാണ് അഭിഭാഷകനായ നേത്രബിന്ദ് സിംഗ് ജാദൂന് ജില്ലാ ലീഗല് സര്വീസസ് അതോറിറ്റി സവായ് മധോപൂരില് പരാതി നല്കിയത് .വിവാഹം നടക്കുന്ന ഹോട്ടല് സിക്സ് സെന്സസ് ബര്വാര ഫോര്ട്ടിന്റെ മാനേജ്മെന്റിനെതിരെയും പരാതിയുണ്ട്.
ഡിസംബര് 6 മുതല് 12 വരെ ഹോട്ടല് മാനേജ്മെന്റ് ക്ഷേത്രത്തിലേക്കുള്ള വഴി അടച്ചിരിക്കുകയാണ്.ദിവസേനയുള്ള ആരതിയില് പങ്കെടുക്കാന് നിരവധി ഭക്തര് വരുന്ന ചരിത്രപരമായ ക്ഷേത്രമാണ് ചൗത്ത് മാതാ ക്ഷേത്രമെന്ന് നേത്രബിന്ദ് സിംഗ് ജാദൂന് പരാതിയില് പറയുന്നു .
ചൗത്ത് മാതാ ക്ഷേത്രത്തിലേക്കുള്ള പ്രധാന വഴി സിക്സ് സെന്സ് ബര്വാര ഫോര്ട്ടിന്റെ മാനേജ്മെന്റ് തടഞ്ഞു, ഇതുമൂലം ഭക്തര് പ്രശ്നങ്ങള് നേരിടുന്നു, ജനവികാരം കണക്കിലെടുത്ത് പാത തുറന്ന് നല്കണമെന്നും അഭിഭാഷകന് ആവശ്യപ്പെട്ടു.
ഡെസ്റ്റിനേഷന് ശൈലിയിലാണ് വിവാഹം നടക്കുന്നത്. വിവാഹത്തില് പങ്കെടുക്കുന്നവര് മൊബൈല് ഉപയോഗിക്കരുത് എന്നതുള്പ്പെടെയുള്ള നിര്ദേശങ്ങളും പുറത്തുവന്നിട്ടുണ്ടെന്നാണ് റിപ്പോര്ട്ട് . അതിഥികള് വാക്സിന് നിര്ബന്ധമായും സ്വീകരിച്ചിരിക്കണമെന്ന് നിര്ദേശം കൊടുത്തിട്ടുണ്ടെന്നും അല്ലാത്തവര് ആര്ടിപിസിആര് റിസള്ട്ട് കൊണ്ടുവരണമെന്നും നിര്ദേശമുണ്ട്.
https://www.facebook.com/Malayalivartha
