പാടത്തപൈങ്കിളി സീരിയലിലൂടെ പ്രേക്ഷക പ്രീതി നേടിയെടുത്ത നടനാണ് സൂരജ് സൺ. ഇൻസ്പിരേഷണൽ ചിന്തകൾ പങ്കിടുന്ന സൂരജ് മിക്കപ്പോഴും മാധ്യമ ശ്രദ്ധ നേടാറുണ്ട്. യൂ ട്യൂബ് വ്‌ളോഗറായും പ്രക്ഷക പ്രീതി നേടുന്ന സൂരജ് പാടാത്ത പൈങ്കിളി ദേവ എന്ന കഥാപാത്രത്തിലൂടെയാണ് മിനി സ്ക്രീനിലേക്ക് തുടക്കം കുറിച്ചത്.

ഇടക്ക് വച്ച് പരമ്പരയിൽ നിന്നും പിന്മാറിയെങ്കിലും ഇപ്പോഴും സസൂരജിനോടുള്ള പ്രേക്ഷരുടെ ഇഷ്ടത്തിന് കുറവൊന്നും വന്നിട്ടില്ല. ഇപ്പോഴിതാ സൂരജ് പങ്കിട്ട ഒരു പോസ്റ്റാണ് വൈറലായി മാറുന്നത്.

സൂരജിന്റെ കുറിപ്പിന്റെ പൂർണരൂപം;

ഇത് "അബു താഹിർ "പാലക്കാട് പോതുണ്ടി ൽ ഒരു അയ്യപ്പഭക്തിഗാനം ആയി ബന്ധപ്പെട്ട ഷൂട്ട് ഉണ്ടായിരുന്നു.. ഷൂട്ട് കഴിഞ്ഞതും താമസിക്കുന്ന ഹോട്ടലിലെ റസ്റ്റോറന്റ് ലക്ഷ്യമിട്ട് നല്ല വിശപ്പോടെ എത്തിയപ്പോഴേക്കും സമയം ഒരുപാട് വൈകിപ്പോയിരുന്നു റസ്റ്റോറന്റ് ഒക്കെ പൂട്ടി..

വിശപ്പ് എന്ന് പറഞ്ഞാൽ..സഹിക്കാൻ പററിയില്ല ഹോട്ടൽ റിസപ്ഷനിൽ ചോദിച്ചു അടുത്ത് തട്ടുകട വല്ലതും ഉണ്ടോന്ന് അപ്പോൾ പറഞ്ഞു ഈ സമയത്തൊന്നും ഇവിടെ കടകൾ ഒന്നും ഉണ്ടാകില്ല നിങ്ങൾ അടുത്ത ടൗണിൽ പോകേണ്ടിവരും വിശപ്പിന്റെ കാഠിന്യം കൂടിയതുകൊണ്ട് നെന്മാറയിൽ നിന്ന് 15 കിമി വടക്കഞ്ചേരി ക്ക് വിട്ടു ശൂന്യമായ റോഡുകൾ കുറച്ചു ദൂരം സഞ്ചരിച്ചപ്പോൾ.

ഒരു കട പൂട്ടാനുള്ള തയ്യാറെടുപ്പിലായിരുന്നു പെട്ടെന്ന് തന്നെ അവിടെ വണ്ടി നിർത്തി ഞാൻ അവരോട് ഒരു കാര്യം ചോദിച്ചു എന്തെങ്കിലുമുണ്ടോ കഴിക്കാൻ എന്തായാലും കുഴപ്പമില്ല. എന്റെ രൂപം ആണെങ്കിലോ അയ്യപ്പ വേഷത്തിൽ.

ഞാൻ പറഞ്ഞ അബുതാഹിർ കുറച്ചുസമയം നിങ്ങളൊന്ന് കാത്തിരിക്കണം.ഞാൻ പെട്ടെന്ന് എന്തെങ്കിലും ഉണ്ടാക്കി തരാം.. അബൂ താഹിന്റെ ആ വാക്കുകൾ വിശപ്പിനെ തന്നെ ദൂരെ എറിയാനുള്ള കഴിവുണ്ടായിരുന്നു. കഴുകിവെച്ച പാത്രങ്ങളും എല്ലാം വീണ്ടു എടുത്ത് ആവശ്യമായ ഭക്ഷണം തന്നു..

അവിടെ ഞാൻ കണ്ട സ്നേഹം മനസ്സിൽ എപ്പോഴും ഓർക്കാനുള്ളതുതന്നെയാണ്. അബൂ താഹിർ ഒരു ഹോട്ടലുടമയോ ജോലിക്കാരനോ ഒന്നുമല്ല കൊച്ചി എയർപോർട്ടിൽ ജോലി ചെയ്യുന്ന ഒരാളാണ് താൽക്കാലികമായി കടയിൽ നിൽക്കുന്നത് മാത്രം..

ഭക്ഷണം ചോദിച്ചത് മുതൽ കഴിച്ചു തീരുന്നതുവരെ അബുതാഹിറിന്റെ മുഖത്ത് പുഞ്ചിരി അല്ലാതെ മറ്റൊരു ഭാവവും എനിക്ക് കാണാൻ സാധിച്ചില്ല.. ഞാൻ അബുതാഹിർ മുന്നിൽ നമസ്കരിക്കുന്നു. ഭക്ഷണം കൊടുക്കുമ്പോൾ മനസ്സ് നിറയുന്ന ഈ മാജിക് അബുതാഹിർലൂടെ നിങ്ങളുടെ മുന്നിലേക്ക് ഞാൻ കാണിച്ചുതരുന്നു....

"അയ്യപ്പനും വാവരും" ഈ പ്രപഞ്ചത്തിന് കൊടുക്കാവുന്ന ഏറ്റവും വലിയ ഉദാഹരണമാണ് ഇതിലൂടെ നിങ്ങൾ മനസ്സിലാക്കേണ്ടത്.. ഒരു ജാതി ഒരു മതം ഒരു ദൈവം മനുഷ്യന്. എന്ന് നിങ്ങളുടെ സ്വന്തം സൂരജ് സൺ.