ആ ബോംബും ചീറ്റിപ്പോയി, പീഡന പരാതിയിൽ ബാലചന്ദ്ര കുമാറിന് ക്ലീൻ ചിറ്റ്, പീഡിപ്പിച്ചുവെന്ന് പരാതിക്കാരി പറയുന്ന വീട്ടില് ബാലചന്ദ്ര കുമാര് പോയിട്ടില്ല, സംവിധായകനെതിരെയുള്ള പീഡന പരാതി വ്യാജമെന്ന് പോലീസ് റിപ്പോര്ട്ട്
പീഡന പരാതിയിൽ സംവിധായകന് ബാലചന്ദ്ര കുമാറിന് ക്ലീൻ ചിറ്റ്. പീഡന പരാതി വ്യാജമാണന്ന് പോലീസ് റിപ്പോര്ട്ട് സമര്പ്പിച്ചു. പീഡനം നടന്നുവെന്ന് പരാതിക്കാരി പറയുന്ന വീട്ടില് ബാലചന്ദ്ര കുമാര് പോയിട്ടില്ലെന്നും റിപ്പോര്ട്ടില് പറഞ്ഞു. അന്വേഷണ റിപ്പോര്ട്ട് പോലീസ് കോടതിയില് സമര്പ്പിച്ചു. ഫെബ്രുവരിയിലാണ് കണ്ണൂര് സ്വദേശിയായ യുവതി ബാലചന്ദ്ര കുമാറിനെതിരെ കൊച്ചി സിറ്റി പോലീസ് കമ്മീഷണര്ക്ക് പരാതി നല്കിയത്.
പത്ത് വര്ഷം മുമ്പ് പീഡിപ്പിച്ചുവെന്നാണ് പരാതി. ജോലി വാഗ്ദാനം ചെയ്ത് ഒരു ഗാനരചയിതാവിന്റെ വീട്ടിലേക്ക് വിളിച്ച് വരുത്തി ബലാത്സംഗം ചെയ്തെന്നും ദൃശ്യങ്ങള് ഒളിക്യാമറയില് പകര്ത്തി ഭീഷണിപ്പെടുത്തിയെന്നും യുവതി പരാതിയില് ആരോപിച്ചിരുന്നു. നടിയെ ആക്രമിച്ച കേസിലെ ദിലീപിനെതിരായ ബാലചന്ദ്ര കുമാറിന്റെ നിര്ണായക വെളിപ്പെടുത്തലിന് പിന്നാലെയാണ് യുവതി പീഡന പരാതി നല്കിയത്.
എന്നാൽ തനിക്കെതിരായ ആരോപണങ്ങൾക്ക് പിന്നിൽ നടിയെ ആക്രമിച്ച കേസിലെ പ്രതി നടൻ ദിലീപ് ആണെന്നാണ് ബാലചന്ദ്രകുമാർ മുൻകൂർ ജാമ്യാപേക്ഷയിൽ ആരോപിച്ചത്. കേസിൽ ദിലീപിന് എതിരായ വെളിപ്പെടുത്തലുകൾ നടത്തിയതിനു പ്രതികാരമായാണ് പീഡന ആരോപണം. പരാതി കെട്ടിച്ചമച്ചതെന്നും പരാതിക്കാരിയുടെ ആരോപണങ്ങളിൽ വസ്തുതയില്ലെന്നും ബാലചന്ദ്രകുമാർ മുൻകൂർ ജാമ്യാപേക്ഷയിൽ പറഞ്ഞിരുന്നു.
https://www.facebook.com/Malayalivartha
