ബിഗ് ബോസ്സ് മലയാളം സീസൺ 4 ഫിനാലെയിൽ എത്തിയ ദിൽഷാ പ്രസന്നനും റിയാസും കോമഡി സ്റ്റാഴ്സിൽ വന്നിരുന്നു. ഈ വേദിയിൽ വച്ച് റിയാസ് കോമഡിക്കാരെ വിമർശിച്ചിരിക്കുകയാണ് . എല്ലാവരോടും ചോദിയ്ക്കുന്നത് പോലെ ചോദ്യങ്ങള്‍ ചോദിച്ച മീരയ്ക്ക് അസ്സല്‍ മറുപടി നല്‍കിയ റിയാസിനെയും ദില്‍ഷയെയും വച്ചുകൊണ്ടാണ് പ്രമോ വീഡിയോ വന്നിരിക്കുന്നത്.

കോമഡിയിൽ കാണിക്കുന്ന ചില മോശം പദപ്രയോഗങ്ങളും വിശേഷണങ്ങളെയും റിയാസ് എതിര്‍ത്തു. ‘കോമഡി ചെയ്യുന്നതിനോട് എനിക്ക് കുറേ എതിര്‍ അഭിപ്രായം ഉണ്ട്. ചില പദപ്രയോഗങ്ങള്‍ ഒഴിവാക്കിയും നമുക്ക് കോമഡികള്‍ ഉണ്ടാക്കാം’ എന്നാണ് റിയാസ് പറഞ്ഞത്. ഒരു ചോദ്യത്തിന് അതിന് എനിക്ക് മീരയോട് ഉത്തരം പറയേണ്ട ആവശ്യമില്ല എന്ന് റിയാസ് വളരെ വ്യക്തമായി പറഞ്ഞു.

അതേസമയം പ്രണയത്തെ കുറിച്ചും, റോബിനെ കുറിച്ചും ചോദിച്ചപ്പോൾ ദില്‍ഷ തന്റെ മാന്യത വിടാതെ തന്നെ മീരയ്ക്കുള്ള മറുപടി കൊടുത്തു . ‘റോബിന്‍ രാധാകൃഷ്ണനെ പഞ്ഞിയ്ക്കിട്ട് തേച്ചൊട്ടിച്ചു പോസ്റ്റ് ആക്കിയോ’ എന്ന് ചോദിച്ചപ്പോള്‍, ‘ഞാന്‍ ആരെയും പഞ്ഞിക്കിടാനോ പോസ്റ്റ് ആക്കാനോ വിചാരിച്ചിട്ടില്ല. എല്ലാ കാര്യങ്ങളും എനിക്ക് എല്ലായിടത്തും തെളിയിക്കാന്‍ പറ്റില്ല’ എന്നായിരുന്നു ദില്‍ഷയുടെ പ്രതികരണം. 

ഇത്തരം ചോദ്യങ്ങള്‍ക്ക് മീരയ്ക്ക് അത് കിട്ടേണ്ടതായിരുന്നു എന്നാണ് യൂട്യൂബിലും ഇന്‍സ്റ്റഗ്രാമിലും പങ്കുവച്ച പ്രോമോ വീഡിയോയ്ക്ക് താഴെ വരുന്ന കമന്റുകള്‍. മീര വീണ്ടും എയറില്‍ കയറാന്‍ സമയമായി എന്ന് ചിലര്‍ പറയുന്നു.

നേരത്തെ റോബിനും നിമിഷയും വന്ന എപ്പിസോഡിലും സമാനമായി മീര ‘തേച്ച് ഒട്ടിയ്ക്കപ്പെട്ടിരുന്നു’ നിമിഷയെ രക്ഷിക്കാന്‍ റോബിന്‍ എത്തുന്ന രംഗം ചെയ്യാന്‍ ആവശ്യപ്പെട്ടപ്പോള്‍, നിമിഷയ്ക്ക് അതിന്റെ ആവശ്യം ഉണ്ടാവില്ല എന്നാണ് റോബിന്‍ പറഞ്ഞത്. റോബിന്‍ പോലും ഇഷ്ടപ്പെടാത്ത തന്റെ പരുക്കന്‍ സ്വഭാവത്തെ മീര പ്രശംസിച്ചപ്പോള്‍ അതിനെ അതിര്‍ത്ത് നിമിഷ സംസാരിച്ചതും വൈറലായിരുന്നു.