എന്റെ മൈന്ഡ് മാറ്റാനായി ഞാന് ശ്രമിച്ചോണ്ടിരിക്കുകയാണ്... ഈ വേദന എനിക്ക് താങ്ങാന് പറ്റുന്നതിനും അപ്പുറമാണ്: അഭയ ഹിരണ്മയിക്ക് പിന്നാലെ, വേദന പങ്കിട്ട് ഗോപി സുന്ദർ
തനിക്കേറെ പ്രിയപ്പെട്ട ആളായ പുരുഷു എന്ന വളർത്ത് നായയെ നഷ്ടമായതിന്റെ സങ്കടം സോഷ്യൽ മീഡിയയിലൂടെ പങ്കുവച്ച് അഭയ ഹിരണ്മയി കഴിഞ്ഞ ദിവസം എത്തിയിരുന്നു. ഇപ്പോഴിതാ വളർത്ത് നായയെ നഷ്ടപ്പെട്ട വേദന പങ്കുവയ്ക്കുകയാണ് ഗോപി സുന്ദർ. പുരുഷുവിന് പേരിട്ട സമയത്തെ വീഡിയോ പങ്കുവച്ചാണ് ഗോപി സുന്ദര് എത്തിയത്.
ഇന്സ്റ്റഗ്രാം പോസ്റ്റിലൂടെയായിരുന്നു അദ്ദേഹം പുരുഷുവിനെക്കുറിച്ച് പറഞ്ഞത്. നല്ല ദീര്ഘായുസും നല്ല ആരോഗ്യവും ഉണ്ടാക്കട്ടെ എന്ന് പറഞ്ഞായിരുന്നു ഗോപി സുന്ദര് പുരുഷുവിന് പേരിട്ടത്. സുഹൃത്തുക്കളെല്ലാം കുരവയിടുന്നതും കേള്ക്കുന്നുണ്ട്. നിന്റെ പേരിടല് ചടങ്ങ് ഞാനിപ്പോഴും ഓര്ത്തിരിക്കുന്നു.
എപ്പോഴും എന്റെ മടിയില് ഉറങ്ങിയിരുന്ന ആളായിരുന്നു നീ. അവിടെ സുരക്ഷിതനായിരുന്നു. ഈ വേദന എനിക്ക് താങ്ങാന് പറ്റുന്നതിനും അപ്പുറമാണ്. എന്റെ മൈന്ഡ് മാറ്റാനായി ഞാന് ശ്രമിച്ചോണ്ടിരിക്കുകയാണ്. എപ്പോഴും നീ എന്റെ ബെഡിനരികില്ത്തന്നെയുണ്ടെന്നുമായിരുന്നു എന്നാണ് ഗോപി സുന്ദര് കുറിച്ചത്. പുരുഷുവെന്നായിരുന്നു അമൃത പോസ്റ്റിന് താഴെ കമന്റ് ചെയ്തത്.
അവസാനസമയത്ത് നിന്നെ നോക്കാനോ നിന്റെ കൂടെയിരിക്കാനോ കഴിഞ്ഞില്ല പുരുഷു. അക്കാര്യത്തില് എനിക്ക് വിഷമമുണ്ട്. മറ്റൊരു ലോകത്ത് വെച്ച് കണ്ടുമുട്ടാന് കഴിഞ്ഞാല് ഞാന് നിന്നെ ഒരിക്കലും ഒറ്റക്കാക്കില്ല. നമ്മളൊന്നിച്ചിരുന്ന് ടിവി കാണും, ബിസ്ക്കറ്റ് പങ്കുവെക്കും, നമ്മളൊന്നിച്ച് നടക്കാനും പോവും. ഞാന് നിന്നെ മുറുകെ കെട്ടിപ്പിടിക്കുന്നുണ്ട്. എനിക്ക് നിന്നോട് ഗുഡ് ബൈ പറയാനാവില്ലെന്നുമായിരുന്നു അഭയ പറഞ്ഞത്.
https://www.facebook.com/Malayalivartha