അമ്മയായ സന്തോഷം പങ്കുവച്ച് നടൻ റഹ്മാന്റെ മകള്‍ റുഷ്ദ. താരപുത്രി തന്നെയാണ് സോഷ്യല്‍ മീഡിയ പേജിലൂടെ സന്തോഷവിവരം പങ്കുവെച്ചത്. ഇതോടെ താരപുത്രിയ്ക്ക് ആശംസകള്‍ അറിയിച്ച് സിനിമാലോകത്ത് നിന്ന് പ്രമുഖരടക്കം നിരവധി പേരാണ് എത്തുന്നത്. ഒരു ആണ്‍കുഞ്ഞിന് ജന്മം നല്‍കി ഞങ്ങള്‍ അനുഗ്രഹിക്കപ്പെട്ടിരിക്കുന്നു.

ജനിച്ചത് ഒരു ആണ്‍കുട്ടിയാണ്. ദൈവത്തിന്റെ മഹത്വത്തില്‍ അവന്‍ നന്നായി ഇരിക്കുന്നു. അല്‍ഹംദുല്ലില്ലാ..' എന്നുമാണ് റുഷ്ദ ഇന്‍സ്റ്റാഗ്രാം പേജില്‍ പങ്കുവെച്ച ചിത്രത്തിന് ക്യാപ്ഷനായി കൊടുത്തിരിക്കുന്നത്. നിറവയറില്‍ നില്‍ക്കുന്ന റുഷ്ദയാണ് ചിത്രത്തിലുള്ളത്. റുഷ്ദയെ ചേര്‍ത്ത് പിടിച്ച് ഭര്‍ത്താവും ഫോട്ടോയിലുണ്ട്.

നടിമാരായ ആരതി വെങ്കിടേഷ്, ശ്വേത മേനോന്‍, തുടങ്ങി നിരവധി പേരാണ് കമന്റുകളുമായി എത്തിയത്. വൈകാതെ കുഞ്ഞതിഥിയെ കൂടി പുറംലോകത്തിന് കാണിക്കണമെന്നാണ് റുഷ്ദയോട് ആരാധകരും ആവശ്യപ്പെടുന്നത്.

കഴിഞ്ഞ വര്‍ഷം ഡിസംബറിലായിരുന്നു റുഷ്ദ റഹ്മാനും കൊല്ലം സ്വദേശിയായ അല്‍താഫ് നവാബുമായിട്ടുള്ള വിവാഹം. ചെന്നൈയിലെ ലീല പാലസില്‍ വച്ച് വലിയ ആഘോഷമായിട്ടാണ് താരവിവാഹം നടന്നത്.