ബിഗ് ബോസ് മലയാളം സീസൺ 4 അവസാനിച്ചെങ്കിലും അതിലെ മത്സരാർഥികളും വിവാദങ്ങളും ഇപ്പോഴും സോഷ്യൽ മീഡിയയിലെ സജീവ ചർച്ചയായി തുടർന്നുകൊണ്ടിരിക്കുകയാണ്. വൈൽഡ് കാർഡ് എൻട്രിയിലൂടെ ഷോയിലെത്തി മൂന്നാം സ്ഥാനക്കാരനായി മാറിയ മത്സരാർത്ഥിയായിരുന്നു റിയാസ് സലീം. റിയാസിന് ഷോയുടെ അകത്തും പുറത്തും നേരിടേണ്ടി വന്ന ചോദ്യങ്ങളിൽ ഒന്ന് റിയാസിന്റെ ജെൻറിനെ കുറിച്ചായിരുന്നു. പലപ്പോഴും ഇതിന്റെ പേരിൽ താരം കളിയാക്കലുകൾ നേരിട്ടുണ്ട്. ഇപ്പോഴിതാ തന്റെ ജെൻഡർ തിരക്കുന്നവർക്ക് വായടിപ്പിച്ച് മറുപടി നൽകുകയാണ് റിയാസ്. ഒരു വീഡിയോ ക്ലിപ്പ് ഇൻസ്റ്റാഗ്രാമിലൂടെ പങ്കുവച്ചാണ് തന്റെ ജെൻഡർ തിരക്കുന്നവർക്ക് റിയാസ് മറുപടി നൽകിയത്.

ഷോയിലെ ഒരു ഗെയിമിനിടെ നടന്ന സംഭാഷണമാണ് റിയാസ് പങ്കിട്ടത്. ഗെയിമിന്റെ ഭാഗമായി കോയിനുകൾ കളക്ട ചെയ്യുന്നതുമായി ബന്ധപ്പെട്ട തർക്കത്തിനിടെ റിയാസ് വസ്ത്രത്തിനുള്ളിൽ എവിടെയോ കോയിൻ സൂക്ഷിച്ചിട്ടുണ്ടെന്നും അത് തിരയണമെന്നും ബ്ലസ്ലി പറയുന്നതാണ് വീഡിയോ. അപ്പോൾ മറുപടിയായി എന്നാൽ 'നീ എന്റെ ഷഡ്ഡി കൂടി ഊരി നോക്കടാ' എന്നാണ് റിയാസ് പറയുന്നത്.

തന്റെ ജെൻഡർ അന്വേഷിക്കുന്നവരോട് പറയാനുള്ളത് എന്ന് കുറിപ്പോടെയാണ് വീഡിയോ പങ്കിട്ടിരിക്കുന്നത്. ഡിസ്ക്ലെയിമറായി ഒരാളുടെ ജനനേന്ദ്രിയം നോക്കി ജെന്റർ തീരുമാനിക്കാൻ സാധിക്കില്ലെന്നും ആളുകൾ സ്വന്തം രീതികളുടെ അടിസ്ഥാനമാക്കിയാണ് അവരുടെ ജെന്റർ നിർവ്വചിക്കേണ്ടതെന്നും റിയാസ് പറയുന്നു.

നിരവധി പേരാണ് പോസ്റ്റിന് താഴെ കമന്റുമായി രംഗത്തെത്തിയിരിക്കുന്നത്. കുറെ ചൊറിയന്മാർക്ക് പറഞ്ഞു പിടിച്ച് നിൽക്കാൻ പറ്റതാവുമ്പോൾ ജെന്റർ , ശരീരം എന്നിവയൊക്ക പറഞ്ഞ് ഷെയിം ചെയ്യാൻ മാത്രമേ പറ്റൂള്ളൂ,ഗതികെട്ടവന്മാർ. അങ്ങനെ ചൊറിഞ്ഞ് ജീവിക്കുന്ന അവന്മാർ ലൈഫിൽ എവിടെയും എത്താൻ പോണില്ല. റിയാസ് കാരണം കുറെ എണ്ണങ്ങൾക്ക് അണ്ണാക്കിൽ തന്നെ കിട്ടി ബോധിച്ചിട്ടുണ്ട്. അവറ്റകളുടെ കരച്ചിൽ കാണുമ്പോൾ എന്തൊരു സോഖവാ', ഒരാൾ പറഞ്ഞു. ചില നേരത്ത് ഇത്തരം മറുപടികൾ നൽകേണ്ടത് അനിവാര്യമാണെന്നാണ് മറ്റ് ചിലർ കുറിച്ചത്.