സംസാരിക്കാനുള്ള ബുദ്ധിമുട്ടും ശബ്ദത്തിലെ വ്യത്യാസവും കണ്ടു നടത്തിയ പരിശോധനയിലാണ് നടി താര കല്യാണിന് തൈറോയിഡ് സ്ഥിരീകരിച്ചത്. ഇതിനെ തുടർന്ന് താരത്തെ ഇക്കഴിഞ്ഞ ബുധനാഴ്ച ശസ്ത്രക്രിയയ്ക്ക് വിധേയയാക്കിരുന്നു. അമ്മയ്ക്ക് ഒരു സർജറി ആവശ്യമായി വന്നിരിക്കുന്നുവെന്നും അതിന് എല്ലാവരുടെയും പ്രാർത്ഥന വേണമെന്നും അഭ്യർത്ഥിച്ച് മകൾ സൗഭാഗ്യ വീഡിയോ ചെയ്തതോടെയാണ് താരയുടെ അസുഖവിവരം പുറത്തായത്. ഇതിന് പിന്നാലെ ആശുപത്രിയില്‍ നിന്നുള്ള വിവരങ്ങള്‍ അറിയാൻ കാത്തിരിക്കുകയായിരുന്നു ആരാധകർ. ഒടുവില്‍ താരകല്യാണിന്റെ ഇപ്പോഴത്തെ അവസ്ഥയെ കുറിച്ച് പറഞ്ഞ് സൗഭാഗ്യ രംഗത്തെത്തി. യൂട്യൂബ് വിഡിയോയിലൂടെയാണ് ആശുപത്രി വിശേഷങ്ങൾ സൗഭാഗ്യ പങ്കുവച്ചത്.

ഓപ്പറേഷൻ തിയറ്ററിൽ നിന്നുള്ള താരയുടെ ചിത്രം സൗഭാഗ്യ ഇന്‍സ്റ്റഗ്രാമിലൂടെ പങ്കുവയ്ക്കുകയിരുന്നു. ഈ പോസ്റ്റിലൂടെയാണ് താരയുടെ സർജറി വിവരം എല്ലാവരും അറിഞ്ഞത്. ഇതറിഞ്ഞ ഉടൻ തന്നെ താരയ്ക്ക് എന്താണ് അസുഖമെന്നും എന്തിനാണ് സർജറിയെന്നും നിരവധി പേർ അന്വേഷിക്കുകയും ചെയ്തിരുന്നു. ആശുപത്രിയിൽ പ്രവേശിക്കുന്നതു മുതൽ ശസ്ത്രക്രിയ വിജയകരമായി പൂർത്തിയാക്കിയതു വരെയുള്ള കാര്യങ്ങൾ വീഡിയോയിലൂടെ താരം പങ്കുവച്ചിട്ടുണ്ട്. സംസാരിക്കാനുള്ള ബുദ്ധിമുട്ടും ശബ്ദത്തിലെ വ്യത്യാസവും കണ്ടു നടത്തിയ പരിശോധനയിലാണ് തൈറോയ്ഡ് കണ്ടെത്തിയതെന്ന് അമ്മ സുബലക്ഷ്മി വീഡിയോയില്‍ പറയുന്നു.

രാവിലെ 8.30ന് ശസ്ത്രക്രിയയ്ക്കായി കൊണ്ടുപോയെങ്കിലും വൈകിട്ട് ഏഴ് ആയപ്പോഴാണ് ശസ്ത്രക്രിയ എല്ലാം പൂർത്തിയായത്. അത്രയും സങ്കീർണമായ ഒരു ശസ്ത്രക്രിയായിരുന്നെന്നും സൗഭാഗ്യ പറയുന്നു. പ്രാർത്ഥിച്ചവർക്ക് നന്ദി അറിയിക്കാനും കുടുംബം മറന്നില്ല. അമ്മയെ ആശുപത്രിയില്‍ പ്രവേശിപ്പിച്ചെന്നും എല്ലാവരുടെയും പ്രാര്‍ഥന ഉണ്ടാവണമെന്നും മാത്രമാണ് സൗഭാഗ്യ പങ്കുവെച്ച പോസ്റ്റില്‍ പറഞ്ഞിരുന്നത്. അതുകൊണ്ട് തന്നെ നടിയ്ക്ക് എന്താണ് സംഭവിച്ചതെന്നോ എന്തിനാണ് ഓപ്പറേഷന്‍ ചെയ്യുന്നതെന്നോ ഉള്ള കാര്യം വ്യക്തമായില്ല.

നടിയുടെ പോസ്റ്റിന് താഴെ വരുന്ന കമന്റുകളില്‍ ഭൂരിഭാഗവും ഇക്കാര്യം ചോദിച്ച് കൊണ്ടാണ്. അങ്ങനെയിരിക്കുമ്പോഴാണ് സൗഭാഗ്യ തന്നെ പുതിയ വിശേഷം പറഞ്ഞ് എത്തിയത്. ഓപ്പറേഷന് ശേഷം ബെഡില്‍ കിടക്കുന്ന താര കല്യാണിന്റെ ഫോട്ടോയാണ് സൗഭാഗ്യ പുറത്ത് വിട്ടിരിക്കുന്നത്. മയങ്ങി കിടക്കുകയാണെങ്കിലും അടുത്ത് സൗഭാഗ്യയുടെ മകള്‍ സുദര്‍ശനയെയും കാണാം. 'നിങ്ങളുടെ എല്ലാവരുടെയും ആത്മാര്‍ഥമായ പ്രാര്‍ഥനയ്ക്ക് നന്ദി' എന്നാണ് ചിത്രത്തിന് ക്യാപ്ഷനായി സൗഭാഗ്യ കുറിച്ചിരിക്കുന്നത്.