നടൻ ശബരിനാഥിന്റെ രണ്ടാം ചരമവാര്ഷിക ദിനത്തിൽ വീഡിയോ പങ്കുവച്ച് സാജന് സൂര്യ: സാജാ.. .എന്നൊരു വിളി ഉണ്ട്... അത് കേള്ക്കുമ്പോ കൂടെ ഉണ്ട് എന്നൊരു വിശ്വാസം...
2018-ലെ റഷ്യന് യാത്രക്കിടയില് എടുത്ത നടൻ ശബരിനാഥിന്റെ വീഡിയോ പങ്കുവച്ച് സുഹൃത്തും നടനുമായ സാജന് സൂര്യ. ശബരിനാഥിന്റെ രണ്ടാം ചരമവാര്ഷിക ദിനത്തിലാണ് വീഡിയോ പങ്കുവച്ചുള്ള ഓർമ്മകുറിപ്പുമായി സാജന് സൂര്യഎത്തിയത്. ആ വീഡിയോയിലെ 'സാജാ' എന്ന വിളി കേള്ക്കുമ്പോള് ശബരി ഇപ്പോഴും കൂടെയുണ്ടെന്ന് തോന്നുമെന്ന് സാജന് ഫെയ്സ്ബുക്ക് കുറിപ്പില് പറയുന്നു.
'രണ്ട് വര്ഷം പോയത് അറിഞ്ഞു. ഈ വീഡിയോ ഞങ്ങള് 2018 മെയ് മാസം കുടുംബത്തോടൊപ്പം റഷ്യയില് പോയപ്പോ എടുത്തതാ. ഇതില് ചെറുതായി സ്ഥിരം എന്നെ വിളിക്കണത് പോലെ സാജാ.. .എന്നൊരു വിളി ഉണ്ട്. അത് കേള്ക്കുമ്പോ കൂടെയുണ്ടന്നൊരു വിശ്വാസം വരും.'-സാജന് കുറിച്ചു.
2020 സെപ്റ്റംബര് 17ന് ഹൃദയാഘാതത്തെ തുടര്ന്നായിരുന്നു ശബരീനാഥിന്റെ അന്ത്യം. കൂട്ടുകാര്ക്കൊപ്പം ഷട്ടില് ബാഡ്മിന്റണ് കളിക്കുന്നതിനിടെ കുഴഞ്ഞുവീഴുകയായിരുന്നു. പാടാത്ത പൈങ്കിളി എന്ന സീരിയലിലാണ് ഒടുവിലായി ശബരീനാഥ് അഭിനയിച്ചത്.
https://www.facebook.com/Malayalivartha
