സംസ്ഥാനത്ത് തെരുവ് നായശല്യം രൂക്ഷമാകുകയും എല്ലാവരും ഭീതിയിലുമാണ്. ഈയൊരു സാഹചര്യത്തിൽ നടൻ വിനായകൻ പങ്കുവെച്ച പോസ്റ്റ് ശ്രദ്ധ നേടുകയാണ്. തന്റെ പിറ്റ്ബുള്ളിനൊപ്പമുള്ള ചിത്രമാണ് വിനായകന്‍ പങ്കുവച്ചത്. പോസ്റ്റ് പങ്കുവച്ച് നിമിഷങ്ങള്‍ക്കുള്ളില്‍ ചിത്രം സോഷ്യല്‍ മീഡിയയില്‍ ശ്രദ്ധ നേടി .

ക്യാപ്ഷന്‍ ഒന്നും നൽകാതെയാണ് വിനായകന്‍ പോസ്റ്റ് ഇട്ടത്. ഇതോടെ തെരുവ് നായകള്‍ക്ക് പിന്തുണയുമായി എത്തിയതാണോ അതോ കൂട്ടിലിട്ട് വളര്‍ത്താന്‍ പറഞ്ഞതാണോ എന്ന സംശയം ആരാധകര്‍ക്ക് ഉണ്ടായി . സാധാരണ ഫോട്ടോകൾ ഇടുമ്പോൾ വിനായകൻ ക്യാപ്‌ഷൻ ഇടാറില്ല. എന്താണ് ഉദ്ദേശിച്ചതെന്ന് ആരാധകർ ഊഹിച്ച് എടുക്കണം. പുതിയ ഫോട്ടോയ്ക്ക് വന്ന കമന്റുകൾ ഇങ്ങനെയാണ്;

ഇതില്‍ ഒരു മെസ്സേജ് ഉണ്ട്. അത് ആരും കാണുന്നില്ല, കട്ട കലിപ്പ്,പട്ടികളെ തുറന്നു വിടാതെ തുടല്‍ ഇട്ട് പൂട്ടിയിടുക എന്നാണ് അണ്ണന്‍ ഉദ്ദേശിക്കുന്നത്, പട്ടികള്‍ തെരുവില്‍ അലഞ്ഞു തിരിയേണ്ടവര്‍ അല്ല സ്‌നേഹമുള്ള ജീവിയാണ്. പട്ടി സ്‌നേഹികള്‍ വിനായകനെ പോലെ അവയെ അന്തസായി വീട്ടില്‍ വളര്‍ത്തുക, ഈ ലോകം മറ്റ് ജീവജാലങ്ങളുടെ കൂടെയാണെന്ന തിരിച്ചറിവ് ഉണ്ടാകണം’, എന്നിങ്ങനെ കമന്റുകള്‍ കൂടുകയാണ്. എന്തയാലും ചിത്രം വളരെ ശ്രദ്ധിക്കപ്പെട്ടിരിക്കുന്നു.