മിനിസ്‌ക്രീനിൽ സീതയെന്ന പരമ്പരയിലൂടെ പ്രേക്ഷക പ്രീതി നേടിയ സിനിമാ-സീരിയൽ നടിയാണ് സ്വാസിക.സിനിമയില്‍ നിന്നും സീരിയിലേക്ക് വന്നുവെങ്കിലും സിനിമയില്‍ നിന്നും പിന്മാറുകയോ മാറി നില്‍ക്കുകയോ ചെയ്തിരുന്നില്ല താരം. മികച്ച സഹനടിക്കുള്ള സംസ്ഥാന ചലച്ചിത്ര പുരസ്‌കാരം വരെ നടി സ്വന്തമാക്കിരുന്നു. ഇപ്പോഴിതാ ഒരു യൂട്യൂബ് ചാനലിന് നൽകിയ താരത്തിന്റെ അഭിമുഖം സോഷ്യൽ മീഡിയയിൽ വൈറലാവുകയാണ്. തനിക്ക് പീരിയഡ്‌സ് ആയിരുന്ന സമയത്ത് ഒരു പരിപാടിയ്ക്ക് പോയ സംഭവത്തെക്കുറിച്ചാണ് സ്വാസികയുടെ തുറന്ന് പറച്ചിൽ. താരത്തിന്റെ വാക്കുകൾ ഇങ്ങനെ...

പീരിയഡ്സ് ആയ സമയത്താണ് ആ ഫങ്ഷന് പോകുന്നത്. പോയിക്കഴിഞ്ഞപ്പോ കുറേ നേരം ഇരുന്നു. സംസാരിക്കുകയൊക്കെ ചെയ്തു. ഞാന്‍ എല്ലാം ഓകെ ആണ്, പ്രൊട്ടക്റ്റഡ് ആണ് എന്നൊക്കെ വിചാരിച്ചാണ് പോകുന്നത്. പക്ഷെ കുറേ നേരം ഇരുന്നതിന്റെയാണോ ക്ലൈമെറ്റിന്റെ ആണോ എന്താണെന്ന് അറിയില്ല, നമ്മള്‍ പ്രതീക്ഷിക്കാത്തത് പോലെ പീരിയഡ്സിന്റെ കാര്യം കൂടി. പ്രോഗ്രാം കഴിഞ്ഞ് ഞാന്‍ ചാടി എഴുന്നേറ്റപ്പോള്‍ പുറകിലൊക്കെ ബ്ലഡ് സ്റ്റെയ്ന്‍ ഒക്കെ ആയി. ഇതോടെ പെട്ടെന്ന് ആള്‍ക്കാരൊക്കെ അയ്യോ മോളേ എന്നൊക്കെ പറഞ്ഞപ്പോ ഞാന്‍ ഒന്ന് ശേ.. എന്നായിയെന്ന് സ്വാസിക പറയുന്നു.

ക്യാമറകള്‍ക്ക് മുന്നിലാണ് നില്‍ക്കുന്നതെന്നയാരുന്നു കാരണമെന്നാണ് സ്വാസിക പറയുന്നത്. ആളുകള്‍ കണ്ണില്‍ കാണുന്നത് മാത്രമാണെങ്കില്‍ ചിലപ്പോ കുഴപ്പമില്ലെന്ന് പറയും, പക്ഷെ ഇത്രയും ക്യാമറയുടെ നടുക്ക്, എനിക്ക് അറിയില്ല അത് ആരൊക്കെ മൊബൈലില്‍ പകര്‍ത്തിയിട്ടുണ്ട് എന്ന്. പക്ഷെ ഇന്നു വരെ അത് പുറത്തു വന്നിട്ടില്ലെന്നും സ്വാസിക പറയുന്നു.

ആള്‍ക്കാരുടെ ഇടയില്‍ വച്ച് അത് സംഭവിച്ചപ്പോ എനിക്ക് ഒരു പ്രശ്നമായി തോന്നി. എന്നാല്‍ സെക്കന്‍ഡുകള്‍ക്കുള്ളില്‍ തന്നെ ഓകെ ഇത് സംഭവിച്ചു പോയി നമുക്ക് ഒന്നും ചെയ്യാന്‍ പറ്റില്ലല്ലോ.. എന്ന് വിചാരിച്ച് താന്‍ ഒകെയായി എന്നും സ്വാസിക പറയുന്നുണ്ട്.

അതേസമയം ആ വീഡിയോ ഇപ്പോഴും ആരെങ്കിലും അപ്പ്‌ലോഡ് ചെയ്തിട്ടുണ്ടോ എന്ന് താന്‍ ഇന്റർനെറ്റിൽ നോക്കാറുണ്ടന്നെും സ്വാസിക പറയുന്നുണ്ട്. എന്നാല്‍ അവിടെയുണ്ടായിരുന്നവരെല്ലാം അതിന്റേതായ സെന്‍സിലാണ് എടുത്തതെന്നും എല്ലാത്തിലും അവസാനം എല്ലാവരും മനുഷ്യരാണെന്നും എല്ലാവരും നല്ലവരാണെന്നും സ്വാസിക പറയുന്നു.