സംഗീത സംവിധായകൻ ഗോപി സുന്ദറും ഗായിക അമൃത സുരേഷും ലിവിങ് ടുഗെതർ റിലേഷനിൽ കുടുംബ ജീവിതം നയിക്കാൻ തുടങ്ങിയതോടെ ഗോപി സുന്ദറിന്റെ ആദ്യ വിവാഹത്തെ കുറിച്ചുള്ള ചര്‍ച്ച സോഷ്യൽ മീഡിയയിൽ ഉയർന്നിരുന്നു. പ്രിയയെയാണ് ഗോപി സുന്ദര്‍ ആദ്യം വിവാഹം കഴിച്ചത്. ഈ ബന്ധത്തില്‍ രണ്ട് മക്കളും ഉണ്ട്. അച്ഛനെപ്പോലെ തന്നെ സംഗീതത്തിലായിരുന്നു മാധവും താല്‍പര്യം പ്രകടിപ്പിച്ചത്. അമൃത സുരേഷ്-ബാല ബന്ധത്തിൽ ഒരു മകളും ഉണ്ട്.

പ്രിയയില്‍ നിന്നും നിയമപരമായി വിവാഹമോചനം നേടാതെയാണ് ഗോപി സുന്ദര്‍ ഗായിക അഭയ ഹിരണ്‍മയിയുമായി ലിവിങ് റ്റുഗദര്‍ ജീവിതം തുടങ്ങിയത്. വര്‍ഷങ്ങളോളം ഇവര്‍ ഒന്നിച്ച് തന്നെ ആയിരുന്നു. പിന്നീട് അഭയയുമായി പിരിഞ്ഞ ശേഷമാണ് അമൃത സുരേഷിനെ വിവാഹം കഴിച്ചത്. ഈ താരങ്ങളുടെ മക്കൾക്കെല്ലാം സോഷ്യൽ മീഡിയയിൽ വൻ സ്വീകാര്യതയാണ് ഉള്ളത്. ഇപ്പോഴിതാ സോഷ്യൽ മീഡിയയിൽ വൈറലാകുന്നത് ഗോപി സുന്ദറിന്റെ മകനെക്കുറിച്ച് പ്രചരിച്ച വ്യാജ വാർത്തയുമാണ്.

അമ്മ നല്‍കിയ കരുത്തില്‍ മാധവ് സുന്ദറിന്റെ സ്വപ്നം പൂവണിഞ്ഞു. ഹണിമൂണ്‍ ആഘോഷത്തിനിടെ ഗോപി സുന്ദറിനെ നടുക്കിയ കാഴ്ച എന്ന തലക്കെട്ടോടെയായിരുന്നു മാധവിനെക്കുറിച്ചുള്ള വ്യാജവാര്‍ത്ത പ്രചരിച്ചത്. മാധവ് ബൈക്കോടിച്ച് നോക്കുന്നതിന്റെ ചിത്രങ്ങള്‍ കഴിഞ്ഞ ദിവസം പോസ്റ്റ് ചെയ്തിരുന്നു. ഇതിന് പിന്നാലെയായിരുന്നു വ്യാജ വാർത്ത പ്രചരിച്ചത്. തൊട്ട് പിന്നാലെ, ഇത് പോലെയുള്ള നോണ്‍സെന്‍സുകള്‍ പ്രചരിപ്പിക്കുന്നത് നിര്‍ത്തൂ. ഞാന്‍ ബൈക്ക് മേടിച്ചിട്ടില്ലെന്ന് പ്രതികരിച്ച് മാധവ് ഇൻസ്റ്റാഗ്രാമിൽ കുറിച്ചു. തന്റെ സുഹൃത്ത് വര്‍ക്ക് ചെയ്യുന്ന ഷോറൂമിലേക്ക് പോയിരുന്നുവെന്നും, അത് ഓടിച്ച് നോക്കുന്ന ചിത്രങ്ങളായിരുന്നു അതെന്നുമായിരുന്നു മാധവിന്റെ മറുപടി.

അമ്മയെയാണ് ഞാനെപ്പോഴും പിന്തുണയ്ക്കുന്നതെന്നും അച്ഛന്റെ മടങ്ങി വരവ് ഞങ്ങളൊരിക്കലും ആഗ്രഹിക്കുന്നില്ലെന്നും മുമ്പ് മാധവ് വ്യക്തമാക്കിയിരുന്നു. അമ്മയാണ് ഞങ്ങള്‍ക്കെല്ലാം, അമ്മയോടാണ് ഞങ്ങള്‍ കാര്യങ്ങളെല്ലാം തുറന്നുപറയുന്നത്. ഒരുകുറവും വരുത്താതെയാണ് അമ്മ ഞങ്ങളെ നോക്കുന്നതെന്നും മാധവ് പറഞ്ഞിരുന്നു. കൂടാതെ ജീവിതത്തിലൊരിക്കലും അച്ഛനെപ്പോലെയാവാന്‍ ആഗ്രഹിക്കുന്നില്ല. അച്ഛന്റെ ശീലങ്ങളൊന്നും പിന്തുടരാന്‍ ആഗ്രഹിക്കുന്നില്ലെന്നും പറഞ്ഞിരുന്നു.