പ്രായം വെറും അക്കങ്ങൾ മാത്രമാണെന്ന് തെളിയിച്ചു കൊണ്ടിരിക്കുന്ന മഹാ നടനാണ് മലയാളികളുടെ സ്വന്തം മമ്മൂക്ക. 72-മത്തെ വയസ്സിലും യൗവനം കാത്തുസൂക്ഷിക്കുന്ന മമ്മൂട്ടി ആർക്കുമൊരു അത്ഭുതം തന്നെയാണ്. മമ്മൂക്കയുടെ സ്റ്റൈലിഷ് ചിത്രങ്ങൾ സോഷ്യൽ മീഡിയയിലെല്ലാം വൈറലായി മാറാറുണ്ട്.

ഇപ്പോഴിതാ മമ്മൂട്ടിയുടെ ഏറ്റവും പുതിയ ചിത്രങ്ങളാണ് വൈറലാവുന്നത്. ഫാഷന്‍ ഫോട്ടോഗ്രാഫറും അഭിനേതാവുമായ ഷാനി ഷാകിയാണ് ഫോട്ടോ പകർത്തിയതും,സമൂഹ മാധ്യമങ്ങളിൽ പങ്കുവെച്ചതും. മമ്മൂട്ടി തന്നെയാണ് ഫോട്ടോയുടെ സ്റ്റൈലിങ് ചെയ്തിട്ടുള്ളതെന്നായിരുന്നു ഷാനി കുറിച്ചത്.

‘വല്ലതും പറഞ്ഞാല്‍ ക്ലീഷേ ആയിപ്പോവും, ഇങ്ങേരൊക്കെ എന്തിട്ട് വന്നാലും ഒടുക്കത്തെ ലുക്കല്ലേ, 32 തികഞ്ഞ ചെറുപ്പക്കാരന്‍, ഇപ്പോഴത്തെ പിള്ളേരുടെ ഓരോ ഫാഷനേ, ഈ പയ്യന് വേറെ പണിയൊന്നുമില്ലേ, വെറുതെ നാട്ടുകാരെക്കൊണ്ട് പറയിപ്പിക്കാന്‍, ഇതൊന്നും അത്ര നല്ലതല്ലാട്ടോ, വീണ്ടും സോഷ്യല്‍മീഡിയ ഇളക്കി മറിച്ചു, ഇങ്ങളിതെന്ത് ഭാവിച്ചാണ്, രണ്ടാമത്തെ ഫോട്ടോയിലെ ചിരി കൊള്ളാമല്ലോ. പിള്ളേരൊക്കെ മാറി നിന്നോളൂട്ടോ’ തുടങ്ങി രസകരമായ കമന്റുകളാണ് ചിത്രങ്ങള്‍ക്ക് താഴെയുള്ളത്.

മമ്മൂട്ടിയുടെ ചിത്രങ്ങളുമായി നേരത്തെയും ഷാനി ഷാകി എത്തിയിരുന്നു. ഫോട്ടോഗ്രാഫിയും ഫാഷനും മാത്രമല്ല അഭിനേതാവായും തിളങ്ങിയിട്ടുണ്ട് ഷാനി. അച്ഛാദിന്‍, ബിടെക്, നികൊഞച തുടങ്ങിയ സിനിമകളില്‍ ഷാനി അഭിനയിച്ചിട്ടുണ്ട്.

അതേസമയം അ​റു​പ​ത്തി​യൊ​മ്പ​താം​ ​ഫി​ലിം​ ​ഫെ​യ​ർ​ അ​വാ​ർ​ഡിൽ ​മ​ല​യാ​ള​ത്തി​ൽ​ നി​ന്ന് ​മി​ക​ച്ച​ ​ന​ട​നാ​യി​ ​തിരഞ്ഞെടുക്കപ്പെട്ടത് മ​മ്മൂ​ട്ടിയെയാണ്. ലി​ജോ​ ​ജോ​സ് ​പെ​ല്ലി​ശേ​രി​ ​സം​വി​ധാ​നം​ ​ചെ​യ്ത​ ​ന​ൻ​പ​ക​ൽ​ ​നേ​ര​ത്ത് ​മ​യ​ക്കം​ ​എ​ന്ന​ ​ചി​ത്ര​ത്തി​ലെ​ ​പ്ര​ക​ട​ന​ത്തി​നാ​ണ് ​പു​ര​സ്കാ​രം ലഭിച്ചത്.

1980​ ​കൾ​ ​മു​ത​ലു​ള്ള​ ​അ​ഞ്ച് ​ദ​ശാ​ബ്ദ​ങ്ങ​ളി​ലും​ ​മി​ക​ച്ച​ ​ന​ട​ൻ​ ​പു​ര​സ്കാ​രം​ ലഭിക്കുന്നത് ​മ​മ്മൂ​ട്ടിക്കാണ്. ഇത് 15ാം തവണയാണ് മമ്മൂട്ടി മികച്ച നടനുള്ള ഫിലിംഫെയർ പുരസ്കാരം നേടുന്നത്. ഈ​ ​പു​ര​സ്കാ​രം​ ​തുടർച്ചയായി സ്വന്തമാക്കുന്ന​ ​ഒ​രേ​യൊ​രു​ ​ഇ​ന്ത്യ​ൻ​ ​ന​ട​ൻ​ കൂ​ടി​യാ​ണ് ​മ​മ്മൂ​ട്ടി.​ ​അ​വാ​ർ​ഡ് ​ദാ​ന​ച​ട​ങ്ങി​ൽ​ ​ഏ​റെ​ ​വി​കാ​രാ​ധീ​ത​നാ​യാ​ണ് ​മ​മ്മൂ​ട്ടി​ ​സം​സാ​രി​ച്ച​ത്.​ ​

ഉ​രു​ൾ​പൊ​ട്ട​ൽ​ ​ദു​ര​ന്ത​ത്തി​ൽ​ ​അ​നേ​കം​ ​ജീ​വ​നു​ക​ൾ​ ​ന​ഷ്ട​പ്പെ​ട്ട​ ​വ​യ​നാ​ടി​നെ​ ​നെ​ഞ്ചോ​ട് ​ചേ​ർ​ത്തു​പി​ടിച്ച് മമ്മൂക്ക പ​റ​ഞ്ഞ​ ​വാ​ക്കു​ക​ൾ​ ​ഏ​വ​രു​ടെ​യും​ഹൃദയത്തി​ൽ​ ​തൊ​ട്ടു.​ വയനാട്ടിലെ ജനങ്ങളെ ജീവിതത്തിലേക്ക് തിരിച്ചെത്തിക്കാൻ എല്ലാവരുടെയും പിന്തുണ വേണമെന്ന് മമ്മൂട്ടി അഭ്യർത്ഥിച്ചു.

മമ്മൂട്ടിയുടെ വാക്കുകൾ ഇങ്ങനെ:- "ഇത് എനിക്കേറെ സന്തോഷം പകരുന്ന നിമിഷമാണ്. പക്ഷേ, സന്തോഷിക്കാൻ കഴിയുന്ന സമയമല്ല ഇപ്പോൾ. കാരണം, വയനാട്ടിലെ എന്റെ നാട്ടുകാർ വലിയ വേദനയിലാണ്. നിരവധി പേർക്ക് അവരുടെ ഉറ്റവരെയും അവർക്കുള്ളതുമെല്ലാം നഷ്ടപ്പെട്ടു. അവരെ ഈ നിമിഷം ഞാൻ ഓർക്കുന്നു. അവരെ ജീവിതത്തിലേക്ക് തിരിച്ചെത്തിക്കാൻ എല്ലാവരും അവരെ പിന്തുണയ്ക്കണമെന്ന് അഭ്യർഥിക്കുന്ന മമ്മൂട്ടിയുടെ വാക്കുകൾ സമൂഹ മാധ്യമങ്ങളിൽ ഏറെ ശ്രദ്ധനേടി.