താരസാനിധ്യം ഇല്ലാത്തതിനാലും പുതിയ സംവിധായകനായതിനാലും ചാനലുകള്‍ തട്ടിക്കളഞ്ഞ 1983ക്ക് അഞ്ച് കോടി കളക്ഷന്‍. 25 ദിവസം പിന്നിട്ട ചിത്രം റിലീസിംഗ് കേന്ദ്രങ്ങളില്‍ നിന്ന് കൂടുതല്‍ സെന്ററുകളിലേക്ക് പ്രദര്‍ശനം വ്യാപിക്കുന്നു. സാറ്റലൈറ്റ് റൈറ്റ് ലഭിക്കാത്തതിനെ തുടര്‍ന്ന് ചിത്രത്തിന് വിതരണക്കാരെ കിട്ടാത്ത അവസ്ഥയുണ്ടായിരുന്നു. റിലീസിംഗ് നീണ്ടുപോയ ചിത്രം ഒടുവില്‍ ലാല്‍ ജോസിന്റെ എല്‍.ജെ ഫിലിംസിന്റെ സഹായത്തോടെയാണ് തിയറ്ററുകളിലെത്തിച്ചത്.

സൂപ്പര്‍താര ചിത്രങ്ങള്‍ കോടികള്‍ മുടക്കി വാങ്ങാന്‍ ചാനലുകള്‍ മത്സരിക്കുമ്പോള്‍ കൊച്ചു ചിത്രങ്ങള്‍ തഴയപ്പെടുകയാണ്. സൂപ്പര്‍താര ചിത്രങ്ങള്‍ പലതും പരാജയപ്പെടുമ്പോള്‍ ചാനലുകള്‍ക്ക് ഒരു പാഠമാവുകയാണ് 1983യുടെ വിജയം. വ്യത്യസ്തമായ പ്രമേയങ്ങളുമായി രംഗത്തുവരാന്‍ നിര്‍മാതാക്കള്‍ക്ക് പ്രചോദനമാണ് തന്റെ ചിത്രമെന്ന് നിര്‍മാതാവ് ഷംസുദ്ദീന്‍ പറയുന്നു. സിനിമയിലെ താരത്തിളക്കമോ പബ്ലിസിറ്റിയോ അല്ല നല്ല പ്രമേയവും മികച്ച അവതരണവുമാണ് തങ്ങള്‍ക്ക് വിഷയമെന്ന് ഈ ചിത്രത്തിലൂടെ ഒരിക്കല്‍ കൂടി തെളിയിച്ചിരിക്കുകയാണ് പ്രേക്ഷകര്‍.

ചിത്രം വന്‍ വിജയത്തിലേക്ക് നീങ്ങുന്നതോടെ നല്ല സാറ്റലൈറ്റ് അവകാശം ലഭിക്കുമെന്ന് ഉറപ്പായി. ദൃശ്യം സിനിമ വിജയമായ ശേഷമാണ് നിര്‍മാതാവ് ചിത്രത്തിന്റെ സാറ്റലൈറ്റ് അവകാശം വിറ്റത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha